ਖੇਡਾਂ ਵਤਨ ਪੰਜਾਬ ਦੀਆਂ ਲਈ ਟਰਾਇਲ ਅੱਜ ਤੋਂ

ਮੁਹਾਲੀ: ਪੰਜਾਬ ਸਰਕਾਰ ਦੇ ਖੇਡ ਤੇ ਯੁਵਕ ਸੇਵਾਵਾਂ ਵਿਭਾਗ ਵੱਲੋਂ ਕਰਵਾਈਆਂ ਜਾ ਰਹੀਆਂ ਖੇਡਾਂ ਵਤਨ ਪੰਜਾਬ ਦੀਆਂ-2023 ਤਹਿਤ, ਜਿਹੜੀਆਂ ਖੇਡਾਂ ਲਈ ਰਾਜ ਪੱਧਰ ’ਤੇ ਸਿੱਧੇ ਮੁਕਾਬਲੇ ਕਰਵਾਏ ਜਾ ਰਹੇ ਹਨ, ਉਨ੍ਹਾਂ ਖੇਡਾਂ ਦੇ ਟਰਾਇਲਾਂ 25 ਅਤੇ 26 ਸਤੰਬਰ ਨੂੰ ਸਪੋਰਟਸ ਕੰਪਲੈਕਸ ਸੈਕਟਰ 78 ਵਿੱਚ ਸਵੇਰੇ 9 ਵਜੇ ਕਰਵਾਏ ਜਾਣਗੇ। ਜ਼ਿਲ੍ਹਾ ਖੇਡ ਅਫ਼ਸਰ ਗੁਰਦੀਪ ਕੌਰ ਨੇ ਦੱਸਿਆ ਕਿ ਇਨ੍ਹਾਂ ਟਰਾਇਲਾਂ ਵਿੱਚ 25 ਸਤੰਬਰ ਨੂੰ ਆਰਚਰੀ (ਤੀਰਅੰਦਾਜ਼ੀ), ਸਾਇਕਲਿੰਗ, ਘੋੜ ਸਵਾਰੀ, ਫੈਂਸਿੰਗ (ਤਲਵਾਰਬਾਜ਼ੀ), ਜਿਮਨਾਸਟਿਕਸ, ਕੈਕਿੰਗ ਅਤੇ ਕੈਨੋਇੰਗ, ਰਗਬੀ, ਵੁਸ਼ੂ ਅਤੇ ਰੋਇੰਗ ਦੇ ਟਰਾਇਲ ਕਰਵਾਏ ਜਾਣਗੇ। ਉਕਤ ਤੋਂ ਇਲਾਵਾ ਰੋਲਰ ਸਕੇਟਿੰਗ ਦੇ ਟਰਾਇਲ 25 ਸਤੰਬਰ ਤੋਂ 26 ਸਤੰਬਰ ਤੱਕ ਕਰਵਾਏ ਜਾਣਗੇ। ਚੁਣੇ ਹੋਏ ਖਿਡਾਰੀ ਰਾਜ ਪੱਧਰ ਤੇ ਮੁਹਾਲੀ ਜ਼ਿਲ੍ਹੇ ਦੀ ਪ੍ਰਤੀਨਿਧਤਾ ਕਰਨਗੇ। -ਖੇਤਰੀ ਪ੍ਰਤੀਨਿਧ