ਮੀਰਪੁਰ ’ਚ ਤਿੰਨ ਸਾਲਾ ਦੇ ਬੱਚੇ ਦੀ ਪਾਣੀ ’ਚ ਡੁੱਬਣ ਕਾਰਨ ਮੌਤ

ਹਰਜੀਤ ਸਿੰਘ

ਡੇਰਾਬੱਸੀ, 22 ਅਗਸਤ

ਇੱਥੋਂ ਦੇ ਸੈਕਟਰ-5 ਵਿੱਚ ਪੈਂਦੇ ਪਿੰਡ ਮੀਰਪੁਰ ਦੀ ਬਾਵਾ ਕਲੋਨੀ ਵਿਚ ਇਕ ਤਿੰਨ ਸਾਲਾ ਦੇ ਮਾਸੂਮ ਬੱਚੇ ਦੀ ਪਾਣੀ ’ਚ ਡੁੱਬਣ ਕਾਰਨ ਮੌਤ ਹੋ ਗਈ। ਬੱਚਾ ਆਪਣੇ ਘਰ ਦੀ ਛੱਤ ਤੇ ਖੇਡਦੇ ਹੋਏ ਘਰ ਨੇੜੇ ਇਕੱਤਰ ਹੋਏ ਮੀਂਹ ਦੇ ਪਾਣੀ ’ਚ ਡਿੱਗ ਗਿਆ। ਮ੍ਰਿਤਕ ਬੱਚੇ ਦੀ ਪਛਾਣ ਅਨਮੋਲ ਪੁੱਤਰ ਬ੍ਰਿਜੇਸ਼ ਯਾਦਵ ਦੇ ਰੂਪ ਵਿੱਚ ਹੋਈ ਹੈ। ਬੱਚਾ ਦੁਪਹਿਰ ਕਰੀਬ 12 ਵੱਜੇ ਛੱਤ ਤੇ ਖੇਡਦਾ ਹੋਇਆ ਅਚਾਨਕ ਲਾਪਤਾ ਹੋ ਗਿਆ ਸੀ ਜਿਸਦੀ ਲਾਸ਼ ਕਰੀਬ 6 ਵਜੇ ਘਰ ਦੇ ਨੇੜੇ ਖੇਤਾਂ ਵਿੱਚ ਖੜ੍ਹੇ ਪਾਣੀ ਵਿਚੋਂ ਮਿਲੀ ਹੈ।