ਨੌਜਵਾਨ ਤੋਂ ਤਿੰਨ ਲੁਟੇਰੇ ਕੁੱਤਾ ਖੋਹ ਕੇ ਫ਼ਰਾਰ

ਭੁੱਚੋ ਮੰਡੀ: ਸੋਨੇ ਦੇ ਗਹਿਣੇ ਅਤੇ ਨਗ਼ਦੀ ਖੋਹਣ ਵਾਲੇ ਲੁਟੇਰਿਆਂ ਨੇ ਹੁਣ ਕੁੱਤੇ ਖੋਹਣੇ ਵੀ ਸ਼ੁਰੂ ਕਰ ਦਿੱਤੇ ਹਨ। ਪਿੰਡ ਭੁੱਚੋ ਕਲਾਂ ਦੇ ਨੌਜਵਾਨ ਮਨਜੀਤ ਸਿੰਘ ਨੇ ਦੱਸਿਆ ਕਿ ਉਹ ਭੁੱਚੋ ਕੈਂਚੀਆਂ ਚੌਕ ਵਿੱਚ ਸਵੇਰੇ ਪੰਜ ਵਜੇ ਸੈਰ ਕਰ ਰਿਹਾ ਸੀ। ਇਸ ਦੌਰਾਨ ਮੋਟਰਸਾਈਕਲ ‘ਤੇ ਤਿੰਨ ਨਕਾਬਪੋਸ਼ ਲੁਟੇਰੇ ਆਏ ਅਤੇ ਉਸ ਤੋਂ ਛੋਟੇ ਕੱਦ ਵਾਲਾ ਕੁੱਤਾ ਖੋਹ ਕੇ ਫ਼ਰਾਰ ਹੋ ਗਏ। ਇਸ ਸਬੰਧੀ ਥਾਣਾ ਬਠਿੰਡਾ ਛਾਉਣੀ ਦੀ ਪੁਲੀਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ। ਲੁਟੇਰਿਆਂ ਵੱਲੋਂ ਚੁੱਕੀ ਗਈ ਅਤਿ ਤੋਂ ਲੋਕ ਪ੍ਰੇਸ਼ਾਨ ਹਨ। -ਪੱਤਰ ਪ੍ਰੇਰਕ