For the best experience, open
https://m.punjabitribuneonline.com
on your mobile browser.
Advertisement

ਕੈਨੇਡਾ ਸੜਕ ਹਾਦਸੇ ’ਚ ਤਿੰਨ ਪੰਜਾਬੀਆਂ ਦੀ ਮੌਤ

05:56 AM Jan 26, 2025 IST
ਕੈਨੇਡਾ ਸੜਕ ਹਾਦਸੇ ’ਚ ਤਿੰਨ ਪੰਜਾਬੀਆਂ ਦੀ ਮੌਤ
ਅਰਸ਼ਪ੍ਰੀਤ ਸਿੰਘ
Advertisement

ਪਾਤੜਾਂ/ਜਗਰਾਉਂ (ਗੁਰਨਾਮ ਸਿੰਘ ਚੌਹਾਨ/ਚਰਨਜੀਤ ਢਿੱਲੋਂ):

Advertisement

ਕੈਨੇਡਾ ਵਿੱਚ ਦੋ ਟਰੱਕ ਟਰੇਲਰਾਂ ਦੀ ਆਹਮੋ-ਸਾਹਮਣੀ ਟੱਕਰ ਵਿੱਚ ਦੋ ਨੌਜਵਾਨਾਂ ਸਣੇ ਤਿੰਨ ਪੰਜਾਬੀਆਂ ਦੀ ਮੌਤ ਹੋ ਗਈ ਹੈ। ਮ੍ਰਿਤਕਾਂ ਦੀ ਪਛਾਣ ਕਸਬਾ ਹਠੂਰ ਦੇ ਅਰਸ਼ਪ੍ਰੀਤ ਸਿੰਘ (24) ਅਤੇ ਹਰਿਆਣਾ ਦੇ ਪਿੰਡ ਜੁੰਡਲਾ ਵਾਸੀ ਨਵਪ੍ਰੀਤ ਸਿੰਘ ਵਜੋਂ ਹੋਈ ਹੈ, ਜਦਕਿ ਤੀਜੇ ਵਿਅਕਤੀ ਦੀ ਪਛਾਣ ਨਹੀਂ ਹੋ ਸਕੀ। ਉਂਜ ਉਹ ਕੈਨੇਡਾ ਦਾ ਪੱਕਾ ਵਸਨੀਕ ਦੱਸਿਆ ਗਿਆ ਹੈ ਅਤੇ ਉਹ ਟਰੱਕ ਵਿੱਚ ਕਲੀਨਰ ਸੀ। ਹਾਦਸਾ ਓਂਟਾਰੀਓ ਨੇੜੇ ਵੀਰਵਾਰ ਨੂੰ ਵਾਪਰਿਆ।

Advertisement

ਨਵਪ੍ਰੀਤ ਸਿੰਘ

ਹਾਦਸੇ ਦੀ ਜਾਣਕਾਰੀ ਮਿਲਦੇ ਸਾਰ ਹੀ ਪਰਿਵਾਰਾਂ ’ਚ ਸੋਗ ਦੀ ਲਹਿਰ ਫੈਲ ਗਈ ਹੈ। ਨਵਪ੍ਰੀਤ ਸਿੰਘ ਪਿੰਡ ਸ਼ੁਤਰਾਣਾ ਦੇ ਵੜੈਚ ਪਰਿਵਾਰ ਦਾ ਦੋਹਤਾ ਸੀ। ਕਰਨ ਸਿੰਘ ਵੜੈਚ ਅਤੇ ਰੁਪਿੰਦਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਦੀ ਭੈਣ ਹਰਿਆਣਾ ਦੇ ਪਿੰਡ ਜੁੰਡਲਾ ਵਿਆਹੀ ਹੋਈ ਹੈ ਅਤੇ ਉਸ ਦਾ ਛੋਟਾ ਪੁੱਤਰ ਨਵਪ੍ਰੀਤ ਸਿੰਘ ਡੇਢ ਕੁ ਸਾਲ ਪਹਿਲਾਂ ਰੁਜ਼ਗਾਰ ਦੀ ਤਲਾਸ਼ ਵਿੱਚ ਕੈਨੇਡਾ ਗਿਆ ਸੀ। ਉਸ ਦੇ ਟਰਾਲੇ ਦੀ ਦੂਜੇ ਪਾਸੇ ਤੋਂ ਆਏ ਟਰੱਕ ਟਰੇਲਰ ਨਾਲ ਜ਼ੋਰਦਾਰ ਟੱਕਰ ਹੋ ਗਈ। ਹਾਦਸੇ ’ਚ ਅਰਸ਼ਪ੍ਰੀਤ ਸਿੰਘ ਅਤੇ ਨਵਪ੍ਰੀਤ ਸਿੰਘੰ ਦੀ ਮੌਤ ਹੋ ਗਈ। ਦੋਹਾਂ ਨੌਜਵਾਨਾਂ ਦੇ ਪਰਿਵਾਰਾਂ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਉਨ੍ਹਾਂ ਦੀਆਂ ਦੇਹਾਂ ਮੁਲਕ ਲਿਆਉਣ ਵਿੱਚ ਮਦਦ ਕੀਤੀ ਜਾਵੇ।

Advertisement
Author Image

joginder kumar

View all posts

Advertisement