ਕੌਮਾਂਤਰੀ ਸਰਹੱਦ ਤੋਂ ਤਿੰਨ ਕਿਲੋ ਹੈਰੋਇਨ ਤੇ ਵਿਦੇਸ਼ੀ ਪਿਸਟਲ ਬਰਾਮਦ

ਸੰਜੀਵ ਹਾਂਡਾ

ਫ਼ਿਰੋਜ਼ਪੁਰ,18 ਅਗਸਤ

ਬੀਐੱਸਐੱਫ਼ ਦੀ 136 ਬਟਾਲੀਅਨ ਨੇ ਗਸ਼ਤ ਦੇ ਦੌਰਾਨ ਇਥੇ ਪਾਕਿਸਤਾਨ ਨਾਲ ਲੱਗਦੀ ਸਰਹੱਦ ਤੋਂ ਤਿੰਨ ਕਿਲੋ 54 ਗ੍ਰਾਮ ਹੈਰੋਇਨ, ਚਾਈਨੀਜ਼ ਪਿਸਟਲ, ਖਾਲੀ ਮੈਗਜ਼ੀਨ, ਰਬੜ ਦੀ ਟਿਊਬ ਅਤੇ ਰੱਸੀ ਬਰਾਮਦ ਕੀਤੀ ਹੈ। ਇਹ ਬਰਾਮਦਗੀ ਬੀਐੱਸਐੱਫ਼ ਦੀ ਚੌਕੀ ਸ਼ਾਮੇ ਕੀ ਦੇ ਖੇਤਰ ਵਿਚੋਂ ਹੋਈ ਹੈ। ਸਹਾਇਕ ਕੰਪਨੀ ਕਮਾਂਡਰ ਨੇਮੀ ਚੰਦ ਜਾਟ ਦੀ ਸ਼ਿਕਾਇਤ ’ਤੇ ਥਾਣਾ ਸਦਰ ਵਿਚ ਅਣਪਛਾਤੇ ਸਮਗਲਰ ਖ਼ਿਲਾਫ਼ ਮੁਕੱਦਮਾ ਦਰਜ ਕੀਤਾ ਗਿਆ ਹੈ।