ਦੋ ਨਾਬਾਲਗਾਂ ਸਣੇ ਤਿੰਨ ਲੜਕੀਆਂ ਲਾਪਤਾ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 2 ਅਕਤੂਬਰ
ਵੱਖ ਵੱਖ ਇਲਾਕਿਆਂ ਵਿੱਚੋਂ ਅੱਜ ਦੋ ਨਾਬਾਲਗਾਂ ਸਮੇਤ ਤਿੰਨ ਲੜਕੀਆਂ ਦੇ ਲਾਪਤਾ ਹੋਣ ਦੀ ਖ਼ਬਰ ਮਿਲੀ ਹੈ। ਥਾਣਾ ਹੈਬੋਵਾਲ ਦੀ ਪੁਲੀਸ ਨੂੰ ਗੌਤਮ ਵਿਹਾਰ ਹੈਬੋਵਾਲ ਵਾਸੀ ਵੇਦ ਪ੍ਰਕਾਸ਼ ਨੇ ਦੱਸਿਆ ਕਿ ਉਸ ਦੀ ਛੋਟੀ ਲੜਕੀ ਨੰਦਿਨੀ (17) ਬਿਨਾਂ ਦੱਸੇ ਘਰੋਂ ਕਿੱਧਰੇ ਚਲੀ ਗਈ ਹੈ। ਪਤਾ ਲੱਗਿਆ ਹੈ ਕਿ ਹੈਬੋਵਾਲ ਖੁਰਦ ਵਾਸੀ ਹਰਦੀਪ ਸਿੰਘ ਲੜਕੀ ਨੂੰ ਲੈ ਗਿਆ ਹੈ। ਥਾਣਾ ਜਮਾਲਪੁਰ ਦੀ ਪੁਲੀਸ ਨੂੰ ਜੈ ਗੁਰੂ ਦੇਵ ਨਗਰ ਮੁੰਡੀਆਂ ਕਲਾਂ ਵਾਸੀ ਕਾਂਤੀ ਦੇਵੀ ਨੇ ਦੱਸਿਆ ਹੈ ਕਿ ਉਸ ਦੀ ਛੋਟੀ ਲੜਕੀ ਗੁੱਡੀ ਕੁਮਾਰੀ (17) ਘਰੇ ਨਹੀਂ ਪਰਤੀ। ਥਾਣਾ ਡਿਵੀਜ਼ਨ ਨੰਬਰ 2 ਦੀ ਪੁਲੀਸ ਨੂੰ ਕੁਸ਼ਟ ਆਸ਼ਰਮ ਵਾਲੀ ਗਲੀ ਇਸਲਾਮ ਗੰਜ ਵਾਸੀ ਰਵਿੰਦਰ ਕੁਮਾਰ ਨੇ ਦੱਸਿਆ ਕਿ ਉਸ ਦੀ ਲੜਕੀ ਕੋਮਲ (19 ਸਾਲ) ਘਰੋਂ ਕਿਧਰੇ ਚਲੀ ਗਈ ਹੈ। ਉਸ ਦੀ ਕਾਫ਼ੀ ਭਾਲ ਕੀਤੀ ਗਈ ਪਰ ਉਹ ਨਹੀਂ ਮਿਲੀ।