ਟਰੱਕ ’ਚੋਂ ਮਾਲ ਲੁੱਟਣ ਦੇ ਦੋਸ਼ ਹੇਠ ਤਿੰਨ ਕਾਬੂ

ਅਮਲੋਹ (ਪੱਤਰ ਪ੍ਰੇਰਕ): ਥਾਣਾ ਅਮਲੋਹ ਦੀ ਪੁਲੀਸ ਨੇ ਇੱਕ ਟਰੱਕ ਡਰਾਈਵਰ ਦੇ ਟਰੱਕ ’ਚੋਂ ਸਕਰੈਪ ਦਾ ਮਾਲ ਨੂੰ ਲੁੱਟਣ ਦੇ ਮਾਮਲੇ ’ਚ ਤਿੰਨ ਮੁਲਜ਼ਮਾਂ ਨੂੰ ਕਾਬੂ ਕਰਕੇ ਪਿਸਤੌਲ ਕਾਰ ਅਤੇ ਚੋਰੀ ਦਾ ਸਾਮਾਨ ਬਰਾਮਦ ਕੀਤਾ ਹੈ। ਉਪ ਪੁਲੀਸ ਕਪਤਾਨ ਰਾਜੇਸ਼ ਕੁਮਾਰ ਛਿੱਬਰ ਨੇ ਦੱਸਿਆ ਕਿ 12 ਮਾਰਚ ਨੂੰ ਦਰਜ ਹੋਏ ਕੇਸ ’ਚ ਪੁਲੀਸ ਨੇ ਰਾਹੁਲ ਸੰਗਰ ਤੇ ਨਵਜੋਤ ਸਿੰਘ ਦੋਵੇਂ ਵਾਸੀ ਅਮਲੋਹ ਤੇ ਅਮਨਦੀਪ ਸਿੰਘ ਵਾਸੀ ਕੁਕੜ ਮਾਜਰਾ ਨੂੰ ਕਾਬੂ ਕਰਕੇ ਤਿੰਨਾਂ ਖ਼ਿਲਾਫ਼ ਦਰਜ ਕੇਸ ’ਚ ਧਾਰਾ 411 ਤੇ 25,54,59 ਆਰਮਜ਼ ਐਕਟ ਦਾ ਵਾਧਾ ਕੀਤਾ ਹੈ।