ਕਤਲ ਦੇ ਦੋਸ਼ ਹੇਠ ਤਿੰਨ ਗ੍ਰਿਫ਼ਤਾਰ

ਨਿੱਜੀ ਪੱਤਰ ਪ੍ਰੇਰਕ

ਬਠਿੰਡਾ, 26 ਜੂਨ

ਸਥਾਨਕ ਮੁਲਤਾਨੀਆ ਰੋਡ ‘ਤੇ ਖ਼ਾਲਸਾ ਸਕੂਲ ਕੋਲੋਂ ਬੀਤੇ ਦਿਨੀਂ ਇੱਕ ਨੌਜਵਾਨ ਦੀ ਰਜਾਈ ‘ਚ ਲਿਪਟੀ ਲਾਸ਼ ਬਰਾਮਦ ਹੋਣ ਦੇ ਮਾਮਲੇ ਵਿਚ ਪੁਲੀਸ ਨੇ ਇੱਕ ਔਰਤ ਸਣੇ ਤਿੰਨ ਜਣਿਆਂ ਨੂੰ ਕੀਤਾ ਹੈ। ਇਸ ਸਬੰਧ ਵਿਚ ਥਾਣਾ ਕੋਤਵਾਲੀ ਦੀ ਪੁਲੀਸ ਨੇ 24 ਜੂਨ ਨੂੰ ਮ੍ਰਿਤਕ ਨੌਜਵਾਨ ਦੇ ਪਿਤਾ ਪਿਆਰਾ ਸਿੰਘ ਦੇ ਬਿਆਨਾਂ ‘ਤੇ ਕੇਸ ਦਰਜ ਕੀਤਾ ਸੀ। ਪਰਿਵਾਰ ਅਨੁਸਾਰ ਮਨੀਸ਼ ਸਿੰਘ ਉਰਫ ਬਿੱਲਾ ਵਾਸੀ ਅਮਰਪੁਰਾ ਬਸਤੀ 22 ਜੂਨ ਨੂੰ ਘਰੋਂ ਗਿਆ ਸੀ ਤੇ ਦੂਜੇ ਦਿਨ ਉਸ ਦੀ ਲਾਸ਼ ਮੁਲਤਾਨੀਆਂ ਪੁਲ ਕੋਲ ਕੂੜੇ ਦੇ ਢੇਰ ਕੋਲੋਂ ਮਿਲੀ ਸੀ। ਐਸ.ਪੀ ਸਿਟੀ ਨਰਿੰਦਰ ਸਿੰਘ ਅਨੁਸਾਰ ਮੁਲਜ਼ਮ ਰਿੰਕੂ ਉਰਫ ਹਨੀ ਅਤੇ ਉਸ ਦੀ ਪਤਨੀ ਹੀਨਾ ਉਰਫ ਰੀਨਾ ਸਮੇਤ ਆਜ਼ਾਦ ਸਿੰਘ ਉਰਫ ਪੁਲੀ ਵਾਸੀਆਨ ਬਠਿੰਡਾ ਨੂੰ ਗ੍ਰਿਫਤਾਰ ਕੀਤਾ ਜਾ ਚੁੱਕਾ ਹੈ। ਉਨ੍ਹਾਂ ਦੱਸਿਆ ਕਿ ਮੁਲਜ਼ਮਾਂ ਵੱਲੋਂ ਮਨੀਸ਼ ਨੂੰ ਨਸ਼ੇ ਦੀ ਓਵਰਡੋਜ਼ ਦੇਣ ਕਾਰਨ ਉਸ ਦੀ ਮੌਤ ਹੋਈ ਸੀ।