For the best experience, open
https://m.punjabitribuneonline.com
on your mobile browser.
Advertisement

ਪ੍ਰੇਮਿਕਾ ਲਈ ਤਿੰਨ ਕਰੋੜ ਦਾ ਮਕਾਨ ਬਣਾਉਣ ਵਾਲਾ ਚੋਰ ਗ੍ਰਿਫ਼ਤਾਰ

06:12 AM Feb 05, 2025 IST
ਪ੍ਰੇਮਿਕਾ ਲਈ ਤਿੰਨ ਕਰੋੜ ਦਾ ਮਕਾਨ ਬਣਾਉਣ ਵਾਲਾ ਚੋਰ ਗ੍ਰਿਫ਼ਤਾਰ
Advertisement

ਬੰਗਲੂਰੂ, 4 ਫਰਵਰੀ
ਬੰਗਲੂਰੂ ਪੁਲੀਸ ਨੇ ਚੋਰ ਜਿਸ ਨੇ ਲੁੱਟ ਦੇ ਪੈਸਿਆਂ ਨਾਲ ਪ੍ਰੇਮਿਕਾ ਲਈ ਤਿੰਨ ਕਰੋੜ ਰੁਪਏ ਦਾ ਮਕਾਨ ਬਣਾਇਆ ਸੀ, ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਗ੍ਰਿਫ਼ਤਾਰ ਮੁਲਜ਼ਮ ਦੀ ਪਛਾਣ ਪੰਚਾਕਸ਼ਰੀ ਸਵਾਮੀ (37) ਵਾਸੀ ਸ਼ੋਲਾਪੁਰ, ਮਹਾਰਾਸ਼ਟਰ ਵਜੋਂ ਦੱਸੀ ਗਈ ਹੈ। ਸੂਤਰਾਂ ਮੁਤਾਬਕ ਬੰਗਲੂਰੂੁ ’ਚ ਮਦੀਵਾਲਾ ਪੁਲੀਸ ਨੇ ਇਹ ਖੁਲਾਸਾ ਵੀ ਕੀਤਾ ਕਿ ਸਵਾਮੀ ਦੇ ਮਸ਼ਹੂਰ ਅਦਾਕਾਰਾ ਨਾਲ ਸਬੰਧ ਸਨ। ਪਤਨੀ ਤੇ ਇੱਕ ਬੱਚਾ ਹੋਣ ਦੇ ਬਾਵਜੂਦ ਉਹ ਕਥਿਤ ਗਲਤ ਕੰਮਾਂ ’ਚ ਰੁੱਝਿਆ ਹੋਇਆ ਸੀ। ਜਾਂਚ ’ਚ ਪਤਾ ਲੱਗਾ ਕਿ ਪੰਚਾਕਸ਼ਰੀ ਸਵਾਮੀ ਨੇ 2003 ’ਚ ਚੋਰੀਆਂ ਕਰਨੀਆਂ ਸ਼ੁਰੂ ਕੀਤੀਆਂ ਸਨ। 2009 ਤੱਕ ਉਸ ਨੇ ਚੋਰੀਆਂ ਰਾਹੀਂ ਕਰੋੜਾਂ ਰੁਪਏ ਇਕੱਠੇ ਕਰ ਲਏ।
ਸਾਲ 2014-15 ’ਚ ਸਵਾਮੀ ਦੇ ਇੱਕ ਅਦਾਕਾਰਾ ਨਾਲ ਪ੍ਰੇਮ ਸਬੰਧ ਬਣ ਗਏ। ਪੁਲੀਸ ਵੱਲੋਂ ਪੁੱਛ-ਪੜਤਾਲ ’ਚ ਮੁਲਜ਼ਮ ਨੇ ਮੰਨਿਆ ਕਿ ਉਸ ਨੇ ਅਦਾਕਾਰਾ ’ਤੇ ਕਰੋੜਾਂ ਰੁਪਏ ਖਰਚ ਕੀਤੇ ਸਨ। ਉਸ ਨੇ ਕੋਲਕਾਤਾ ’ਚ ਤਿੰਨ ਕਰੋੜ ਰੁਪਏ ਦਾ ਮਕਾਨ ਬਣਵਾ ਕੇ ਦਿੱਤਾ ਤੇ 22 ਲੱਖ ਰੁਪਏ ਦਾ ਐਕੁਏਰੀਅਮ ਵੀ ਤੋਹਫ਼ੇ ਵਜੋਂ ਦਿੱਤਾ। ਸਵਾਮੀ ਨੂੰ 2016 ’ਚ ਗੁਜਰਾਤ ਪੁਲੀਸ ਨੇ ਗ੍ਰਿਫ਼ਤਾਰ ਕੀਤਾ ਸੀ ਤੇ ਉਹ ਛੇ ਸਾਲ ਜੇਲ੍ਹ ’ਚ ਰਿਹਾ।
ਸਵਾਮੀ ਨੂੰ ਅਜਿਹੇ ਅਪਰਾਧਾਂ ਲਈ ਮਹਾਰਾਸ਼ਟਰ ਪੁਲੀਸ ਵੱਲੋਂ ਗ੍ਰਿਫ਼ਤਾਰ ਕੀਤਾ ਗਿਆ। ਰਿਹਾਅ ਹੋਣ ਮਗਰੋਂ ਉਹ ਬੰਗਲੂਰੂ ਆ ਗਿਆ ਤੇ 9 ਜਨਵਰੀ ਨੂੰ ਬੰਗਲੂਰੂ ਦੇ ਮਦੀਵਾਲਾ ਇਲਾਕੇ ’ਚ ਚੋਰੀ ਦੀ ਵਾਰਦਾਤ ਅੰਜਾਮ ਦਿੱਤੀ, ਜਿਸ ਮਗਰੋਂ ਪੁਲੀਸ ਨੇ ਉਸ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਪੁਲੀਸ ਨੇ ਉਸ ਕੋੋਲੋਂ ਇੱਕ ਰਾਡ, 181 ਗ੍ਰਾਮ ਸੋਨੇ ਦੇ ਬਿਸਕੁਟ, 333 ਗ੍ਰਾਮ ਚਾਂਦੀ ਤੇ ਇੱਕ ਫਾਇਰ ਗੰਨ ਜਿਸ ਦੀ ਵਰਤੋਂ ਉਹ ਚੋਰੀ ਕੀਤੇ ਸੋਨੇ ਨੂੰ ਪਿਘਲਾ ਕੇ ਸੋਨੇ ਦੇ ਬਿਸਕੁਟ ਬਣਾਉਣ ਲਈ ਕਰਦਾ ਸੀ, ਜ਼ਬਤ ਕੀਤੀ ਹੈ। ਪੁਲੀਸ ਨੇ ਦੱਸਿਆ ਕਿ ਉਹ ਕਰਾਟੇ ਦਾ ਖਿਡਾਰੀ ਹੈ ਤੇ ਪਿਤਾ ਦੀ ਮੌਤ ਹੋਣ ’ਤੇ ਉਸ ਦੀ ਮਾਂ ਨੂੰ ਰੇਲਵੇ ’ਚ ਨੌਕਰੀ ਮਿਲੀ ਸੀ। -ਆਈਏਐੈੱਨਐੱਸ

Advertisement

Advertisement
Advertisement
Author Image

joginder kumar

View all posts

Advertisement