ਨਾਲੀਆਂ ’ਤੇ ਲਗਾਏ ਲੋਹੇ ਦੇ ਜਾਲ ਚੋਰੀ

ਕੁਰਾਲੀ: ਸਥਾਨਕ ਸ਼ਹਿਰ ਦੇ ਵਾਰਡ ਨੰਬਰ 7 ਦੀ ਮਾਸਟਰ ਕਲੋਨੀ ਵਿੱਚ ਦਨਿ ਦਿਹਾੜੇ ਕੁਝ ਚੋਰ ਨਗਰ ਕੌਂਸਲ ਵੱਲੋਂ ਨਾਲ਼ੀਆਂ ’ਤੇ ਲਗਾਏ ਲੋਹੇ ਦੇ ਜਾਲ਼ ਚੋਰੀ ਕਰਕੇ ਲੈ ਗਏ। ਲੋਕਾਂ ਵੱਲੋਂ ਇਸ ਚੋਰੀ ਦੀ ਘਟਨਾ ਸਬੰਧੀ ਨਗਰ ਕੌਂਸਲ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ। ਚੋਰੀ ਦੀ ਘਟਨਾ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ ਹੈ। ਮਾਸਟਰ ਕਲੋਨੀ ਵਿੱਚ ਆਏ ਬਰਸਾਤ ਦੇ ਪਾਣੀ ਕਾਰਨ ਗਲੀਆਂ ਦੀਆਂ ਸਾਰੀਆਂ ਲੋਹੇ ਦੀਆਂ ਗਰਿੱਲਾਂ ਸੀਮਿੰਟ ਵਿੱਚੋਂ ਨਿਕਲ ਗਈਆਂ ਹਨ। ਇਸ ਦਾ ਫਾਇਦਾ ਉਠਾਉਂਦੇ ਹੋਏ ਚੋਰ ਦੋ ਲੋਹੇ ਦੀਆਂ ਗਰਿੱਲਾਂ ਚੋਰੀ ਕਰਕੇ ਲੈ ਗਏ। ਕਾਰਜਸਾਧਕ ਅਫ਼ਸਰ ਪਰਵਿੰਦਰ ਸਿੰਘ ਭੱਟੀ ਨੇ ਕਿਹਾ ਕਿ ਉਹ ਪੁਲੀਸ ਨੂੰ ਸੂਚਿਤ ਕਰਨਗੇ। -ਪੱਤਰ ਪ੍ਰੇਰਕ