ਧੂਰੀ ਅੰਦਰ ਠੇਕੇ ਵਿੱਚ ਚੋਰੀ

ਹਰਦੀਪ ਸਿੰਘ ਸੋਢੀ
ਧੂਰੀ, 26 ਜੁਲਾਈ

ਇਥੋਂ ਦੀ ਅਨਾਜ ਮੰਡੀ ਸਥਿਤ ਧੋਬੀ ਘਾਟ ਰੋਡ ਕੋਲ ਸ਼ਰਾਬ ਦੇ ਠੇਕੇ ਉੱਪਰ ਬੀਤੀ ਰਾਤ ਚੋਰੀ ਹੋ ਗਈ। ਠੇਕੇਦਾਰ ਤੇਜੀ ਧੂਰੀ ਪਿੰਡ ਨੇ ਦੱਸਿਆ ਕਿ ਉਨ੍ਹਾਂ ਦੇ ਠੇਕੇ ਉੱਪਰ ਚੋਰੀ ਬਾਰੇ ਸਵੇਰੇ ਪਤਾ ਲੱਗਾ ਤੇ ਉਨ੍ਹਾਂ ਇਸ ਬਾਰੇ ਪੁਲੀਸ ਨੂੰ ਸੂਚਿਤ ਕਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਚੋਰ ਠੇਕੇ ਦੀ ਪਿਛਲੀ ਕੰਧ ਵਿਚ ਪਾੜ ਪਾ ਕੇ ਅੰਦਰ ਦਾਖਲ ਹੋ ਕੇ ਕਰੀਬ 12 ਹਜ਼ਾਰ ਰੁਪਏ, ਦੋ ਆਲ ਸੀਜ਼ਨ, ਰੌਇਲ ਸਟੈਗ ਦੀ ਇਕ ਪੇਟੀ ਤੋ ਇਲਾਵਾ ਮੋਬਾਈਲ ਨਾਲ ਲੈ ਗਏ‌। ਇਸ ਸਬੰਧੀ ਧੂਰੀ ਦੇ ਥਾਣਾ ਮੁਖੀ ਦਰਸ਼ਨ ਸਿੰਘ ਨੇ ਕਿਹਾ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।