ਬਸਪਾ ਯਾਦਗਾਰ ਵਿੱਚ ਚੋਰੀ; ਇੱਕ ਨਾਮਜ਼ਦ

ਨਿੱਜੀ ਪੱਤਰ ਪ੍ਰੇਰਕ
ਲੁਧਿਆਣਾ, 20 ਨਵੰਬਰ
ਥਾਣਾ ਸਾਹਨੇਵਾਲ ਦੇ ਪਿੰਡ ਬ੍ਰਾਹਮਣਮਾਜਰਾ ਸਥਿਤ ਬਹੁਜਨ ਸਮਾਜ ਪਾਰਟੀ ਦੀ ਯਾਦਗਾਰ ਵਿੱਚੋਂ ਕੋਈ ਵਿਅਕਤੀ ਸਾਮਾਨ ਚੋਰੀ ਕਰਕੇ ਲੈ ਗਿਆ ਹੈ। ਇਸ ਸਬੰਧੀ ਈਸ਼ਰ ਨਗਰ ਵਾਸੀ ਨਰਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਪਿੰਡ ਬਾਹਮਣ ਮਾਜਰਾ ਵਿੱਚ ਬਹੁਜਨ ਸਮਾਜ ਪਾਰਟੀ ਦੇ ਸ਼ਹੀਦਾਂ ਦੀ ਯਾਦ ਵਿੱਚ ਬਣੇ ਕਮਰੇ ’ਤੇ ਗੇੜਾ ਮਾਰਨ ਗਿਆ ਸੀ ਤਾਂ ਦੇਖਿਆ ਕਿ ਸਮਾਰਕ ਵਾਲੀ ਥਾਂ ਵਿੱਚ ਲੱਗੇ ਹੋਏ ਪਿੱਲਰ ਅਤੇ ਬੋਰਡ ਡਿੱਗੇ ਪਏ ਸਨ ਅਤੇ ਕਮਰੇ ਦਾ ਤਾਲਾ ਟੁੱਟਿਆ ਹੋਇਆ ਸੀ। ਕਮਰੇ ’ਚੋਂ 25 ਕੁਰਸੀਆਂ, ਇੱਕ ਟੇਬਲ ਅਤੇ ਇੱਕ ਸਬਮੱਰਸੀਬਲ ਮੋਟਰ ਗਾਇਬ ਸੀ।