ਮਾਛੀਵਾੜਾ ਦੇ ਨੌਜਵਾਨ ਦੀ ਅਮਰੀਕਾ ’ਚ ਸੜਕ ਹਾਦਸੇ ’ਚ ਮੌਤ
ਮਾਛੀਵਾੜਾ (ਗੁਰਦੀਪ ਸਿੰਘ ਟੱਕਰ):
ਮਾਛੀਵਾੜਾ ਦੇ ਨੌਜਵਾਨ ਬਲਜੋਤ ਸਿੰਘ (23) ਦੀ ਅਮਰੀਕਾ ਵਿੱਚ ਸੜਕ ਹਾਦਸੇ ਦੌਰਾਨ ਮੌਤ ਹੋ ਗਈ। ਇਥੋਂ ਦੀ ਐੱਨਆਰਆਈ ਕਲੋਨੀ ਦੇ ਵਾਸੀ ਨਗਿੰਦਰ ਸਿੰਘ ਨੇ ਆਪਣੇ ਇਕਲੌਤੇ ਪੁੱਤਰ ਬਲਜੋਤ ਸਿੰਘ ਨੂੰ 2019 ਵਿੱਚ ਚੰਗੇ ਭਵਿੱਖ ਖਾਤਰ ਅਮਰੀਕਾ ਭੇਜਿਆ ਸੀ। ਬਲਜੋਤ ਸਿੰਘ ਅਮਰੀਕਾ ਦੇ ਸ਼ਹਿਰ ਕੈਲੇਫੋਰਨੀਆ ਵਿੱਚ ਰਹਿ ਰਿਹਾ ਸੀ, ਜਿੱਥੇ ਉਹ ਟਰਾਲਾ ਡਰਾਈਵਰ ਸੀ। ਬੀਤੇ ਦਿਨ ਉਹ ਸਾਮਾਨ ਦੀ ਢੋਆ-ਢੁਆਈ ਲਈ ਟਰਾਲਾ ਲੈ ਕੇ 1-80 ਵੋਮਿੰਗ ਰਾਅਲਿਨਸ ਰੋਡ ’ਤੇ ਜਾ ਰਿਹਾ ਸੀ ਕਿ ਅਚਾਨਕ ਸੰਤੁਲਨ ਵਿਗੜਨ ਕਾਰਨ ਟਰਾਲਾ ਪਲਟ ਗਿਆ। ਹਾਦਸੇ ਦੌਰਾਨ ਬਲਜੋਤ ਸਿੰਘ ਬਾਹਰ ਡਿੱਗ ਗਿਆ ਅਤੇ ਟਰਾਲਾ ਉਸ ਦੇ ਉੱਪਰ ਪਲਟ ਗਿਆ, ਜਿਸ ਕਾਰਨ ਉਸ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਅੱਜ ਤੜਕੇ ਮਾਪਿਆਂ ਨੂੰ ਪੁੱਤਰ ਦੀ ਮੌਤ ਦੀ ਖ਼ਬਰ ਮਿਲੀ। ਬਲਜੋਤ ਸਿੰਘ ਦੀ ਦੀ ਭੈਣ ਆਸਟਰੇਲੀਆ ਰਹਿੰਦੀ ਹੈ।
ਬਲਜੋਤ ਸਿੰਘ ਨੇ ਤਿੰਨ ਦਿਨ ਪਹਿਲਾਂ ਮਨਾਇਆ ਸੀ ਜਨਮਦਿਨ ਹਾਦਸੇ ਤੋਂ ਤਿੰਨ ਦਿਨ ਪਹਿਲਾਂ ਬਲਜੋਤ ਸਿੰਘ ਨੇ 15 ਸਤੰਬਰ ਨੂੰ ਆਪਣਾ ਜਨਮ ਦਿਨ ਮਨਾਇਆ ਸੀ। ਉਹ ਬਹੁਤ ਖੁਸ਼ ਸੀ ਅਤੇ ਉਸ ਨੇ ਆਪਣੇ ਜਨਮਦਿਨ ਦੀ ਖੁਸ਼ੀ ਦੋ ਦਿਨ ਦੋਸਤਾਂ ਨਾਲ ਮਨਾਈ ਪਰ ਜਿਉਂ ਹੀ ਉਹ ਟਰਾਲੇ ’ਤੇ ਕੰਮ ਲਈ ਗਿਆ ਤਾਂ ਇਹ ਭਾਣਾ ਵਾਪਰ ਗਿਆ।