ਲੱਕੀ ਬਾਕਸਿੰਗ ਅਕੈਡਮੀ ਦੇ ਨੌਜਵਾਨਾਂ ਨੇ 3 ਤਗ਼ਮੇ ਜਿੱਤੇ

ਕੁੱਪ ਕਲਾਂ:

ਬੀਤੇ ਦਿਨ ਹੋਈਆਂ ਸੂਬਾ ਪੱਧਰੀ ਖੇਡਾਂ ਵਤਨ ਪੰਜਾਬ ਦੀਆਂ ਵਿੱਚੋਂ ਲੱਕੀ ਬਾਕਸਿੰਗ ਅਕੈਡਮੀ ਕੁੱਪ ਕਲਾਂ ਦੇ ਤਿੰਨ ਨੌਜਵਾਨਾਂ ਨੇ ਮੁੱਕੇਬਾਜ਼ੀ ’ਚ ਤਿੰਨ ਤਗ਼ਮੇ ਜਿੱਤੇ। ਐੱਮਡੀ ਲਖਵੀਰ ਸਿੰਘ (ਲੱਕੀ ਸਰੌਦ) ਨੇ ਦੱਸਿਆ ਕਿ ਕੋਚ ਗੁਰਪ੍ਰੀਤ ਸਿੰਘ ਦੀ ਅਗਵਾਈ ਹੇਠ ਬਾਕਸਿੰਗ ਅਕੈਡਮੀ ਕੁੱਪ ਕਲਾਂ ਦੇ ਚਾਰ ਨੌਜਵਾਨਾਂ ਨੇ ਮੁੱਕੇਬਾਜ਼ੀ ਖੇਡਾਂ ’ਚ ਹਿੱਸਾ ਲਿਆ ਸੀ ਜਿਨਾਂ ’ਚੋਂ ਜਸਪ੍ਰੀਤ ਸਿੰਘ (14) ਨੇ 49/52 ਕਿਲੋ ਭਾਰ ਵਰਗ ’ਚੋਂ ਸੋਨ ਤਗ਼ਮਾ, ਕੁਲਵੀਰ ਸਿੰਘ (21) ਨੇ 70/75 ਕਿਲੋ ਭਾਰ ਵਰਗ ’ਚ ਕਾਂਸੀ ਦਾ ਤਗ਼ਮਾ ਤੇ ਗੁਰਸੇਵਕ ਸਿੰਘ (30) ਨੇ 80/86 ਕਿਲੋ ਭਾਰ ਵਰਗ ’ਚ ਚਾਂਦੀ ਤਗ਼ਮਾ ਹਾਸਲ ਕੀਤਾ ਹੈ। ਲੱਕੀ ਸਰੌਦ ਨੇ ਦੱਸਿਆ ਕਿ ਅਕੈਡਮੀ ਵਿੱਚ ਨੌਜਵਾਨਾਂ ਨੂੰ ਮੁਫ਼ਤ ਟਰੇਨਿੰਗ ਦਿੱਤੀ ਜਾਂਦੀ ਹੈ। -ਪੱਤਰ ਪ੍ਰੇਰਕ