ਟਿੱਪਰ ਨੂੰ ਅੱਗ ਲੱਗਣ ਕਾਰਨ ਨੌਜਵਾਨ ਸੜਿਆ

ਨਿੱਜੀ ਪੱਤਰ ਪ੍ਰੇਰਕ
ਅੰਬਾਲਾ, 20 ਨਵੰਬਰ
ਪੰਚਕੂਲਾ-ਸਾਹਾ ਰੋਡ ’ਤੇ ਲੰਘੀ ਰਾਤ ਸੜਕ ’ਤੇ ਖੜ੍ਹੇ ਟੈਂਕਰ ਨਾਲ ਟਕਰਾਉਣ ਕਰ ਕੇ ਟਿੱਪਰ ਅਤੇ ਟੈਂਕਰ ਦੋਵਾਂ ਨੂੰ ਅੱਗ ਲੱਗ ਗਈ। ਇਸ ਕਾਰਨ ਟਿੱਪਰ ਵਿੱਚ ਬੈਠੇ ਸਹਾਇਕ ਦੀ ਸੜ ਕੇ ਮੌਤ ਹੋ ਗਈ। ਸ਼ਾਹਜ਼ਾਦਪੁਰ ਪੁਲੀਸ ਨੂੰ ਅਸ਼ੋਕ ਕੁਮਾਰ ਵਾਸੀ ਨੇ ਦੱਸਿਆ ਕਿ 19 ਦੀ ਰਾਤ ਨੂੰ ਉਹ ਆਪਣੇ ਟਿੱਪਰ ’ਚ ਮਿੱਟੀ ਭਰ ਕੇ ਸ਼ਾਹਬਾਦ ਜਾ ਰਿਹਾ ਸੀ। ਉਸ ਨਾਲ ਸਹਾਇਕ ਰਾਹੁਲ (20) ਵੀ ਸੀ। ਉਹ ਜਦੋਂ ਪੰਚਕੂਲਾ-ਸਾਹਾ ਰੋਡ ’ਤੇ ਇਕ ਟੈਂਕਰ ਚਾਲਕ ਨੇ ਆਪਣਾ ਟੈਂਕਰ ਸੜਕ ’ਤੇ ਖੜ੍ਹਾ ਕੀਤਾ ਹੋਇਆ ਸੀ। ਉਸ ਦਾ ਟਿੱਪਰ ਟੈਂਕਰ ਦੇ ਪਿਛੇ ਟਕਰਾ ਗਿਆ ਤੇ ਦੋਵਾਂ ਵਾਹਨਾਂ ਨੂੰ ਅੱਗ ਲੱਗ ਗਈ। ਉਸ ਨੇ ਤੁਰੰਤ ਟਿੱਪਰ ਵਿੱਚੋਂ ਛਾਲ ਮਾਰ ਦਿੱਤੀ ਪਰ ਰਾਹੁਲ ਅੰਦਰ ਹੀ ਰਹਿ ਗਿਆ। ਉਸ ਨੇ ਰਾਹੁਲ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਸ ਦੀ ਮੌਤ ਹੋ ਗਈ।
ਪੁਲੀਸ ਨੇ ਟੈਂਕਰ ਚਾਲਕ ਮਹਿੰਦਰ ਸਿੰਘ ਖ਼ਿਲਾਫ਼ ਕੇਸ ਦਰਜ ਕਰ ਕੇ ਕੀਤਾ ਹੈ।