ਨੌਜਵਾਨ ਨੇ ਰੇਲਗੱਡੀ ਥੱਲੇ ਆ ਕੇ ਆਤਮਹੱਤਿਆ ਕੀਤੀ

ਬਠਿੰਡਾ (ਪੱਤਰ ਪ੍ਰੇਰਕ): ਬਠਿੰਡਾ ਪਟਿਆਲਾ ਰੇਲਵੇ ਲਾਈਨ ਨੇੜੇ ਆਈ.ਟੀ.ਆਈ. ਚੌਕ ਪੁਲ ਨੇੜੇ ਲੰਘੀ ਰਾਤ ਇਕ ਨੌਜਵਾਨ ਨੇ ਰੇਲਗੱਡੀ ਹੇਠਾਂ ਆ ਕੇ ਖੁਦਕੁਸ਼ੀ ਕਰ ਲਈ। ਸਹਾਰਾ ਹੈੱਡਕੁਆਰਟਰ ਵਿੱਚ ਸੂਚਨਾ ਮਿਲਣ ‘ਤੇ ਸਹਾਰਾ ਜਨ ਸੇਵਾ ਦੀ ਲਾਈਫ ਸੇਵਿੰਗ ਬ੍ਰਿਗੇਡ ਹੈਲਪਲਾਈਨ ਟੀਮ ਅਤੇ ਥਾਣਾ ਜੀ.ਆਰ.ਪੀ. ਪੁਲੀਸ ਦੇ ਏ.ਐਸ.ਆਈ ਗੁਰਪਾਲ ਸਿੰਘ ਮੌਕੇ ‘ਤੇ ਪਹੁੰਚ ਕਿ ਦੇਖਿਆ ਤਾਂ ਮ੍ਰਿਤਕ ਦਾ ਸਿਰ ਉੱਡਿਆ ਹੋਇਆ ਸੀ ਤੇ ਲਾਸ਼ ਰੇਲਵੇ ਟਰੈਕ ‘ਚ ਪਈ ਸੀ। ਮ੍ਰਿਤਕ ਦੀ ਜੇਬ ‘ਚੋਂ ਇਕ ਆਧਾਰ ਕਾਰਡ ਮਿਲਿਆ ਹੈ, ਜਿਸ ਦੇ ਆਧਾਰ ‘ਤੇ ਪੁਲੀਸ ਉਸ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਉਸ ਨੂੰ ਹਸਪਤਾਲ ਦੇ ਮੁਰਦਾਘਰ ਵਿੱਚ ਰੱਖਿਆ ਗਿਆ ਹੈ।