ਭਾਰਤੀ ਯੋਗ ਸੰਸਥਾਨ ਨੇ ਯੋਗ ਯਾਤਰਾ ਕੱਢੀ

ਫਗਵਾੜਾ:

ਭਾਰਤੀ ਯੋਗ ਸੰਸਥਾਨ ਵੱਲੋਂ ਫਗਵਾੜਾ ਵਿੱਚ ਯੋਗ ਯਾਤਰਾ ਕੱਢੀ ਗਈ ਜਿਸ ਵਿੱਚ 200 ਤੋਂ ਵੱਧ ਯੋਗ ਕਰਮੀਆਂ ਨੇ ਹਿੱਸਾ ਲਿਆ। ਇਨ੍ਹਾਂ ਯੋਗ ਕਰਮੀਆਂ ਨੇ ਚਾਰ ਕਿਲੋਮੀਟਰ ਦੀ ਦੂਰੀ ਫਗਵਾੜਾ ਸ਼ਹਿਰ ਦੇ ਵੱਖੋ-ਵੱਖਰੇ ਬਾਜ਼ਾਰਾਂ ਤੇ ਇਲਾਕਿਆਂ ਵਿੱਚ ਤੁਰਦਿਆਂ ਤੈਅ ਕੀਤੀ ਅਤੇ ਯੋਗ ਕਰਨ ਦਾ ਸੰਦੇਸ਼ ਦਿੱਤਾ। ਯੋਗ ਯਾਤਰਾ ਕਮਲਾ ਨਹਿਰੂ ਸਕੂਲ, ਹਰਿਗੋਬਿੰਦ ਨਗਰ ਤੋਂ ਤੁਰਦਿਆਂ ਇਹ ਯਾਤਰਾ ਮਾਡਲ ਟਾਊਨ, ਜੀ.ਟੀ. ਰੋਡ, ਜੋਸ਼ੀਆ ਮੁਹੱਲਾ, ਸੈਂਟਰਲ ਟਾਊਨ, ਵਰਮਾਨੀ ਪਾਰਕ ਪੁੱਜੀ ਜਿੱਥੇ ਲੋਕਾਂ ਨੇ ਇਸ ਦਾ ਸਵਾਗਤ ਕੀਤਾ। ਇਸ ਪ੍ਰੋਗਰਾਮ ਦੀ ਸਫ਼ਲਤਾ ਲਈ ਮੁੱਖ ਤੌਰ ’ਤੇ ਕੰਮ ਕਰਨ ਵਾਲੇ ਅਨਿਲ ਕੋਛੜ ਨੇ ਕਿਹਾ ਕਿ ਜੀਵਨ ਵਿੱਚ ਸਿਹਤਮੰਦ ਰਹਿਣ ਲਈ ਯੋਗ ਕਰਨਾ ਜ਼ਰੂਰੀ ਹੈ। ਇਸ ਮੌਕੇ ਅਨਿਲ ਕੌਛੜ, ਧੀਰਜ ਵੈਦ, ਸੰਦੀਪ ਗਰਗ, ਸੰਦੀਪ ਮਲਹੋਤਰਾ, ਯਗਦੱਤ ਪ੍ਰਭਾਕਰ, ਦਵਿੰਦਰ ਸਿੰਘ, ਪਰਵਿੰਦਰ ਸਿੰਘ, ਨੀਲਮ ਚੋਪੜਾ, ਅਰਚਨਾ ਬੱਤਰਾ ਤੇ ਸਵਿਤਾ ਪ੍ਰਾਸ਼ਰ ਹਾਜ਼ਰ ਸਨ। -ਪੱਤਰ ਪ੍ਰੇਰਕ