ਦੋ ਮੰਜ਼ਿਲਾ ਇਮਾਰਤ ਡਿੱਗੀ

ਪੱਤਰ ਪ੍ਰੇਰਕ
ਬਨੂੜ, 19 ਅਗਸਤ 

ਬਨੂੜ ਦੇ ਵਾਰਡ ਨੰਬਰ ਇੱਕ ਅਧੀਨ ਪੈਂਦੇ ਪਿੰਡ ਬੱਸੀ ਹਵੇਲੀ ਵਿੱਚ ਮਹੀਨਾ ਪਹਿਲਾਂ ਬਣਾਈ ਦੋ ਮੰਜ਼ਿਲਾਂ ਇਮਾਰਤ ਡਿੱਗ ਗਈ। ਖਾਲੀ ਇਮਾਰਤ ਹੋਣ ਵੱਡੇ ਦੁਖਾਂਤ ਤੋਂ ਬਚਾਅ ਹੋ ਗਿਆ। ਘਟਨਾ ਅੱਜ ਸਵੇਰੇ ਛੇ ਵਜੇ ਦੇ ਕਰੀਬ ਵਾਪਰੀ। ਮਕਾਨ ਮਾਲਕ ਸੁਖਵੀਰ ਸਿੰਘ ਪੁੱਤਰ ਮੁਖਤਿਆਰ ਸਿੰਘ ਵਾਸੀ ਥੂਹਾ ਨੇ ਦੱਸਿਆ ਕਿ ਉਨ੍ਹਾਂ ਦੇ ਗਵਾਂਢੀ ਨੇ ਉਨ੍ਹਾਂ ਦੇ ਮਕਾਨ ਦੀ ਦੀਵਾਰ ਦੇ ਨਾਲ 65 ਫ਼ੁੱਟ ਦੇ ਕਰੀਬ ਲੰਬੀਆਂ ਨੀਹਾਂ ਦੀ ਪੁਟਾਈ ਕਰਾਈ ਤੇ ਉਸ ਦੇ ਕਹਿਣ ਦੇ ਬਾਵਜੂਦ ਨੀਂਹ ਉਨ੍ਹਾਂ ਨਾਲੋਂ ਦੋ ਫੁੱਟ ਜ਼ਿਆਦਾ ਰੱਖੀ। ਉਨ੍ਹਾਂ ਕਿਹਾ ਕਿ ਬਰਸਾਤ ਦਾ ਮੌਸਮ ਹੋਣ ਕਾਰਨ ਉਨ੍ਹਾਂ ਦੀ ਛੱਤ ਇੱਕ ਪਾਸੇ ਨੂੰ ਦਬ ਗਈ ਤੇ ਦੋਵੇਂ ਮੰਜ਼ਿਲਾਂ ਢਹਿ ਢੇਰੀ ਹੋ ਗਈਆਂ।

ਮਾਮਲੇ ਦੀ ਪੜਤਾਲ ਜਾਰੀ: ਜਾਂਚ ਅਧਿਕਾਰੀ

ਸਬੰਧਤ ਮਾਮਲੇ ਦੇ ਜਾਂਚ ਅਧਿਕਾਰੀ ਏਐੱਸਆਈ ਰਾਮ ਕ੍ਰਿਸ਼ਨ ਨੇ ਦਰਖਾਸਤ ਮਿਲਣ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਉਨ੍ਹਾਂ ਕਿਹਾ ਕਿ ਦੋਵੇਂ ਧਿਰਾਂ ਨੂੰ ਥਾਣੇ ਬੁਲਾ ਕੇ ਮਾਮਲੇ ਦਾ ਸਾਰਥਿਕ ਹੱਲ ਕੱਢਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।