ਵੈੱਬ ਸੀਰੀਜ਼ ‘ਦਿ ਨਾਈਟ ਮੈਨੇਜਰ’ ਦੇ ਦੂਜੇ ਭਾਗ ਦਾ ਟਰੇਲਰ ਰਿਲੀਜ਼

ਮੁੰਬਈ: ਵੈੱਬ ਸੀਰੀਜ਼ ‘ਦਿ ਨਾਈਟ ਮੈਨੇਜਰ’ ਦਾ ਦੂਜਾ ਭਾਗ ਰਿਲੀਜ਼ ਹੋਣ ਲਈ ਤਿਆਰ ਹੈ। ਅੱਜ ਨਿਰਮਾਤਾਵਾਂ ਵੱਲੋਂ ਇਸ ਦਾ ਟਰੇਲਰ ਰਿਲੀਜ਼ ਕੀਤਾ ਗਿਆ। ਸੀਰੀਜ਼ ਵਿੱਚ ਅਨਿਲ ਕਪੂਰ, ਆਦਿਤਿਆ ਰੌਏ ਕਪੂਰ ਅਤੇ ਸੋਭਿਤਾ ਧੂਲੀਪਾਲਾ ਮੁੱਖ ਕਿਰਦਾਰਾਂ ਦੇ ਰੂਪ ਵਿੱਚ ਨਜ਼ਰ ਆਉਣਗੇ। ਸੀਰੀਜ਼ ਦੇ ਦੂਜੇ ਭਾਗ ਲਈ ਉਤਸ਼ਾਹਿਤ ਅਨਿਲ ਨੇ ਕਿਹਾ, ”ਸੀਰੀਜ਼ ‘ਦਿ ਨਾਈਟ ਮੈਨੇਜਰ’ ਵਿੱਚ ਸ਼ੈਲੀ ਰੁੰਗਟਾ ਦਾ ਕਿਰਦਾਰ ਨਿਭਾਉਣਾ ਬਹੁਤ ਸ਼ਾਨਦਾਰ ਤਜਰਬਾ ਰਿਹਾ। ਇਹ ਬੜੀ ਦਿਲਚਸਪ ਗੱਲ ਹੈ ਕਿ ਸ਼ੈਲੀ ਕਿੰਜ ਲੋਕਾਂ ਲਈ ਇੰਨਾ ਪਿਆਰਾ ਖਲਨਾਇਕ ਬਣ ਗਿਆ। ਇਸ ਦੇ ਦੂਜੇ ਭਾਗ ਵਿੱਚ ਨਵੇਂ ਭੇਦ ਤੁਹਾਨੂੰ ਹੋਰ ਵੀ ਹੈਰਾਨ ਕਰਨਗੇ। ਭਾਵੇਂ ਸ਼ੈਲੀ ਅਤੇ ਸ਼ਾਨ ਇਕੱਠੇ ਹੋ ਰਹੇ ਹੋਣ ਪਰ ਸ਼ੈਲੀ ਦੇ ਦਿਮਾਗ ਵਿੱਚ ਕੀ ਚੱਲ ਰਿਹਾ ਹੈ, ਇਸ ਬਾਰੇ ਕੋਈ ਨਹੀਂ ਜਾਣਦਾ। ਇਸ ਕਿਰਦਾਰ ਪਿਛਲੇ ਮਾਸਟਰਮਾਈਂਡ ਸੰਦੀਪ ਮੋਦੀ ਨਾਲ ਕੰਮ ਕਰਨ ਦਾ ਤਜਰਬਾ ਬਹੁਤ ਸ਼ਾਨਦਾਰ ਰਿਹਾ।” ਇਸੇ ਤਰ੍ਹਾਂ ਆਦਿੱਤਿਆ ਨੇ ਕਿਹਾ, ”ਸੀਰੀਜ਼ ਦੇ ਪਹਿਲੇ ਭਾਗ ਨੂੰ ਦਰਸ਼ਕਾਂ ਦਾ ਭਰਵਾਂ ਹੁੰਗਾਰਾ ਮਿਲਿਆ। ਦੂਜੇ ਭਾਗ ਵਿੱਚ ਮੇਰੇ ਕਿਰਦਾਰ ਦਾ ਨਵਾਂ ਅਧਿਆਏ ਸ਼ੁਰੂ ਹੁੰਦਾ ਹੈ ਅਤੇ ਇਸ ਦਾ ਸਫ਼ਰ ਹੋਰ ਵੀ ਰੋਮਾਂਚਕ ਹੁੰਦਾ ਜਾਂਦਾ ਹੈ। ਡਿਜ਼ਨੀ ਪਲੱਸ ਹੌਟਸਟਾਰ ਅਤੇ ਸੰਦੀਪ ਮੋਦੀ ਨਾਲ ਕੰਮ ਕਰਨ ਦਾ ਤਜਰਬਾ ਬਹੁਤ ਸ਼ਾਨਦਾਰ ਰਿਹਾ। ਮੈਨੂੰ ਉਮੀਦ ਹੈ ਕਿ ਦਰਸ਼ਕ ਸੀਰੀਜ਼ ਦੇ ਦੂਜੇ ਭਾਗ ਨੂੰ ਵੀ ਪਹਿਲੇ ਭਾਗ ਜਿੰਨਾ ਹੀ ਪਿਆਰ ਦੇਣਗੇ।” ਇਹ ਸੀਰੀਜ਼ ਡਿਜ਼ਨੀ ਪਲੱਸ ਹੌਟਸਟਾਰ ‘ਤੇ 30 ਜੂਨ ਨੂੰ ਰਿਲੀਜ਼ ਹੋਵੇਗੀ। -ਏਐੱਨਆਈ