ਚੋਰਾਂ ਨੇ ਚਾਰ ਦੁਕਾਨਾਂ ਦੇ ਸ਼ਟਰ ਤੋੜੇ

ਪੱਤਰ ਪ੍ਰੇਰਕ
ਭਦੌੜ, 30 ਜੁਲਾਈ
ਨਗਰ ਕੌਂਸਲ ਭਦੌੜ ਦੇ ਦਫਤਰ ਤੋਂ ਲੈ ਕੇ ਤਿੰਨ ਕੋਣੀ ਤੱਕ ਬੀਤੀ ਰਾਤ ਚੋਰਾਂ ਨੇ ਚਾਰ ਦੁਕਾਨਾਂ ਦੇ ਸ਼ਟਰ ਤੋੜ ਕੇ ਨਕਦੀ ਤੇ ਸਮਾਨ ਚੋਰੀ ਕਰ ਲਿਆ ਹੈ। ਦੁਕਾਨਦਾਰਾਂ ਨੇ ਅੱਜ ਥਾਣਾ ਭਦੌੜ ’ਚ ਸ਼ਿਕਾਇਤ ਦੇ ਕੇ ਚੋਰਾਂ ਨੂੰ ਫੜਨ ਦੀ ਮੰਗ ਕੀਤੀ ਹੈ| ਥਾਣਾ ਭਦੌੜ ਵਿੱਚ ਜਿੰਦਲ ਡੇਅਰੀ ਦੇ ਮਾਲਕ ਜਗਦੀਪ ਕੁਮਾਰ ਕਾਲਾ, ਮਿੱਤਲ ਫੋਟੋ ਸਟੇਟ ਦੇ ਮਾਲਕ ਅਨੀਤ ਕੁਮਾਰ ਮਿੱਤਲ, ਫਰੈਂਡਜ਼ ਮੋਬਾਈਲ ਰਿਪੇਅਰ ਦੇ ਮਾਲਕ ਸਤਿਨਾਮ ਸਿੰਘ ਅਤੇ ਕਿਸਾਨ ਹੱਟ 1313 ਦੇ ਮਾਲਕ ਰਾਜਿੰਦਰ ਸਿੰਘ ਨੇ ਕਿਹਾ ਕਿ ਬੀਤੀ ਰਾਤ ਚੋਰਾਂ ਵੱਲੋਂ ਉਨ੍ਹਾਂ ਦੀਆਂ ਦੁਕਾਨਾਂ ਦੇ ਸ਼ਟਰ ਤੋੜ ਕੇ ਅੰਦਰ ਪਈ ਨਕਦੀ ਤੇ ਸਾਮਾਨ ਚੋਰ ਕਰ ਲਿਆ ਗਿਆ ਹੈ, ਜਿਸ ਕਰਕੇ ਦੁਕਾਨਦਾਰ ਅਣਸਰੁੱਖਿਅਤ ਮਹਿਸੂਸ ਕਰ ਰਹੇ ਹਨ| ਥਾਣਾ ਭਦੌੜ ਦੇ ਮੁਖੀ ਅੰਮ੍ਰਿਤ ਸਿੰਘ ਨੇ ਕਿਹਾ ਕਿ ਮੁਲਜ਼ਮਾਂ ਨੂੰ ਜਲਦੀ ਫੜ ਲਿਆ ਜਾਵੇਗਾ।