ਚਾਲਕ ਵੱਲੋਂ ਆਟੋ ਭਜਾਉਣ ’ਤੇ ਵਿਦਿਆਰਥਣ ਨੇ ਛਾਲ ਮਾਰੀ

ਨਿੱਜੀ ਪੱਤਰ ਪ੍ਰੇਰਕ
ਖੰਨਾ, 12 ਅਕਤੂਬਰ
ਇਥੋਂ ਦੇ ਇੱਕ ਚਾਲਕ ਵੱਲੋਂ ਗ਼ਲਤ ਦਿਸ਼ਾ ਵਿੱਚ ਆਟੋ ਭਜਾ ਲੈਣ ਮਗਰੋਂ ਉਸ ਵਿੱਚ ਬੈਠੀ ਵਿਦਿਆਰਥਣ ਨੇ ਆਟੋ ਵਿੱਚੋਂ ਛਾਲ ਮਾਰ ਦਿੱਤੀ, ਜਿਸ ਕਾਰਨ ਵਿੱਚੋਂ ਡਿੱਗਣ ਕਾਰਨ ਉਸ ਨੂੰ ਗੰਭੀਰ ਸੱਟਾਂ ਲੱਗੀਆਂ ਹਨ। ਪਿੰਡ ਲਿਬੜਾ ਦੀ ਵਸਨੀਕ ਇਸ ਲੜਕੀ ਨੇ ਪੁਲੀਸ ਨੂੰ ਸ਼ਿਕਾਇਤ ਦਿੱਤੀ ਹੈ ਕਿ ਰੋਜ਼ ਵਾਂਗ ਜਦੋਂ ਅੱਜ ਉਹ ਮਾਂ ਨਾਲ ਪਿੰਡ ਲਿਬੜਾ ਮਸਜਿਦ ਤੋਂ ਕਾਲਜ ਜਾਣ ਲਈ ਆਟੋ ਵਿੱਚ ਬੈਠੀ ਤਾਂ ਪਿੰਡ ਵਿੱਚ ਬਣੀ ਪੁਲੀ ਲੰਘਣ ਮਗਰੋਂ ਡਰਾਈਵਰ ਨੇ ਤੇਜ਼ੀ ਨਾਲ ਆਟੋ ਬੀਜਾ ਵੱਲ ਨੂੰ ਭਜਾ ਲਿਆ। ਜਿਸ ਮਗਰੋਂ ਉਸ ਨੇ ਘਬਰਾ ਕੇ ਆਟੋ ਵਿੱਚੋਂ ਛਾਲ ਮਾਰ ਦਿੱਤੀ। ਪੁਲੀਸ ਨੇ ਕੇਸ ਦਰਜ ਕਰਕੇ ਆਟੋ ਚਾਲਕ ਦੀ ਭਾਲ ਆਰੰਭ ਦਿੱਤੀ ਹੈ।