ਸ਼ੇਅਰ ਬਾਜ਼ਾਰ ਵਿੱਚ ਤੀਜੇ ਦਿਨ ਤੇਜ਼ੀ

ਮੁੰਬਈ: ਸ਼ੇਅਰ ਬਾਜ਼ਾਰ ਵਿੱਚ ਅੱਜ ਲਗਾਤਾਰ ਤੀਜੇ ਕਾਰੋਬਾਰੀ ਸੈਸ਼ਨ ਵਾਲੇ ਦਿਨ ਤੇਜ਼ੀ ਰਹੀ ਅਤੇ ਬੰਬੇ ਸਟਾਕ ਐਕਸਚੇਂਜ ਸੈਂਸੈਕਸ 227 ਅੰਕ ਚੜ੍ਹ ਕੇ ਇੱਕ ਵਾਰ ਫਿਰ 72 ਹਜ਼ਾਰ ਦੇ ਅੰਕੜੇ ਤੱਕ ਪਹੁੰਚ ਗਿਆ। ਉੱਥੇ ਹੀ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 22,000 ਅੰਕ ਦੇ ਕਰੀਬ ਪਹੁੰਚ ਗਿਆ ਹੈ। ਤੀਹ ਸ਼ੇਅਰਾਂ ’ਤੇ ਆਧਾਰਿਤ ਸੈਂਸੈਕਸ 227.55 ਅੰਕ ਮਤਲਬ 0.32 ਫੀਸਦ ਦੇ ਵਾਧੇ ਨਾਲ 72,050.38 ਅੰਕ ’ਤੇ ਬੰਦ ਹੋਇਆ। ਸੂਚਕਅੰਕ ਮਜ਼ਬੂਤੀ ਨਾਲ ਖੁੱਲ੍ਹਿਆ ਅਤੇ ਇੱਕ ਵਾਰ ਦਿਨ ਤੇ ਸਭ ਤੋਂ ਉੱਚੇ ਪੱਧਰ 72,164.97 ਅੰਕ ਅਤੇ ਸਭ ਤੋਂ ਹੇਠਲੇ ਪੱਧਰ 71,644.44 ਅੰਕ ਤੱਕ ਚਲਾ ਗਿਆ। ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ ਵੀ 70.70 ਅੰਕ ਦੇ ਵਾਧੇ ਨਾਲ 21,910.75 ਅੰਕ ’ਤੇ ਬੰਦ ਹੋਇਆ। -ਪੀਟੀਆਈ