‘ਆਪ’ ਦੇ ਓਬੀਸੀ ਮੋਰਚਾ ਦੇ ਸੂਬਾ ਮੀਤ ਪ੍ਰਧਾਨ ਨੇ ਪਾਰਟੀ ਛੱਡੀ

ਪੱਤਰ ਪ੍ਰੇਰਕ
ਸ਼ਾਹਬਾਦ ਮਾਰਕੰਡਾ, 17 ਜੁਲਾਈ
ਆਮ ਆਦਮੀ ਪਾਰਟੀ ਨੂੰ ਅੱਜ ਉਸ ਸਮੇਂ ਝਟਕਾ ਲੱਗਿਆ ਜਦੋਂ ਆਮ ਆਦਮੀ ਪਾਰਟੀ ਦੇ ਓਬੀਸੀ ਮੋਰਚਾ ਦੇ ਸੂਬਾ ਮੀਤ ਪ੍ਰਧਾਨ ਨਾਇਬ ਪਟਾਕ ਮਾਜਰਾ ਨੇ ਆਪਣੇ ਸੈਂਕੜੇ ਸਾਥੀਆਂ ਸਣੇ ਆਮ ਆਦਮੀ ਪਾਰਟੀ ਛੱਡਣ ਦਾ ਐਲਾਨ ਕਰ ਦਿੱਤਾ। ਪਟਾਕ ਮਾਜਰਾ ਨੇ ਅੱਜ ਬਾਬੈਨ ਵਿੱਚ ਆਪਣੇ ਸਮਰਥਕਾਂ ਦੀ ਮੀਟਿੰਗ ਦੌਰਾਨ ਉਨ੍ਹਾਂ ਨਾਲ ਅਗਲੇ ਸਿਆਸੀ ਕਾਰਜਕਾਲ ਸਬੰਧੀ ਸਲਾਹ ਮਸ਼ਵਰਾ ਕੀਤਾ। ਦੱਸਣਯੋਗ ਹੈ ਕਿ ਨਾਇਬ ਪਟਾਕ ਮਾਜਰਾ ਸਾਲ 2014 ਤੋਂ ਪਹਿਲਾਂ ਇਨੈਲੋ ਦੇ ਆਗੂ ਸਨ ਤੇ ਉਹ ਇਨੈਲੋ ਆਗੂ ਸ਼ੇਰ ਸਿੰਘ ਬੜਸ਼ਾਮੀ ਨਾਲ ਮਨ ਮੁਟਾਅ ਦੇ ਚਲਦਿਆਂ ਆਪਣੇ ਸਮਰਥਕਾਂ ਨਾਲ ਬੀਜੇਪੀ ਵਿੱਚ ਸ਼ਾਮਲ ਹੋ ਗਏ ਸਨ। ਨਾਇਬ ਪਟਾਕਮਾਜਰਾ ਨੇ ਕਿਹਾ ਕਿ ਛੇਤੀ ਹੀ ਉਹ ਆਪਣੇ ਸਮਰਥਕਾਂ ਨਾਲ ਸਲਾਹ ਕਰ ਕੇ ਅਗਲੀ ਰਣਨੀਤੀ ਦਾ ਫ਼ੈਸਲਾ ਕਰਨਗੇ ਤੇ ਕਿਸੇ ਰਾਸ਼ਟਰੀ ਪਾਰਟੀ ਵਿੱਚ ਹੀ ਸ਼ਾਮਲ ਹੋਣ ਨੂੰ ਪਹਿਲ ਦੇਣਗੇ। ਇਸ ਬਾਰੇ ਫੈਸਲਾ ਆਉਣ ਵਾਲੇ ਦਿਨਾਂ ਵਿੱਚ ਕਰ ਦਿੱਤਾ ਜਾਵੇਗਾ। ਇਸ ਮੌਕੇ ਗੁਰਪ੍ਰੀਤ ਸਿੰਘ, ਕਮਲਜੀਤ ਸੈਣੀ, ਤਰਸੇਮ ਰਾਏ, ਰਘੁਬੀਰ ਸਿੰਘ, ਰੂਪ ਰਾਮ ,ਸ਼ਾਮ ਲਾਲ, ਕ੍ਰਿਸ਼ਨ ਕਸ਼ਯਪ,ਸੋਹਨ ਲਾਲ, ਨਰਿੰਦਰ ਧੀਮਾਨ, ਸਮੇਂ ਸਿੰਘ, ਜੈ ਰਾਮ ,ਪੰਨਾ ਲਾਲ, ਬਲਜੀਤ ਸਿੰਘ, ਬਲਦੇਵ ਸਿੰਘ, ਦਰਬਾਰਾ ਸਿੰਘ, ਨਰੇਸ਼ ਕੁਮਾਰ, ਬਾਬੂ ਸਿੰਘ ਮੌਜੂਦ ਸਨ।