ਦੀਪੇਂਦਰ ਹੁੱਡਾ ਵੱਲੋਂ ‘ਅਕਤੂਬਰ ਚਾਰ, ਭਾਜਪਾ ਬਾਹਰ’ ਦਾ ਨਾਅਰਾ

ਪੱਤਰ ਪ੍ਰੇਰਕ
ਪਿਹੋਵਾ, 16 ਅਗਸਤ
ਕਾਂਗਰਸ ਦੇ ਸੰਸਦ ਮੈਂਬਰ ਦੀਪੇਂਦਰ ਹੁੱਡਾ ਨੇ ‘ਹਰਿਆਣਾ ਮਾਂਗੇ ਹਿਸਾਬ’ ਮੁਹਿੰਮ ਤਹਿਤ ਪਿਹੋਵਾ ਵਿਧਾਨ ਸਭਾ ਹਲਕੇ ’ਚ ਪੈਦਲ ਯਾਤਰਾ ਕੀਤੀ| ਇਹ ਯਾਤਰਾ ਅਨਾਜ ਮੰਡੀ, ਮੇਨ ਚੌਕ ਤੋਂ ਹੁੰਦੀ ਹੋਇਆ ਸ਼ਹੀਦੀ ਸਮਾਰਕ ਪੁੱਜੀ। ਯਾਤਰਾ ਤੋਂ ਪਹਿਲਾਂ ਅਨਾਜ ਮੰਡੀ ਵਿੱਚ ਸੰਬੋਧਨ ਕਰਦਿਆਂ ਉਨ੍ਹਾਂ ਕਿਹਾ ਕਿ ਭਾਜਪਾ ਨੇ 10 ਸਾਲਾਂ ਵਿੱਚ ਹਰਿਆਣਾ ਨੂੰ ਤਬਾਹ ਕਰ ਦਿੱਤਾ ਹੈ। ਉਨ੍ਹਾਂ ਹਰਿਆਣਾ ਵਿੱਚ ਚੋਣਾਂ ਦੇ ਐਲਾਨ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਹਰਿਆਣਾ ਦੇ ਲੋਕ ਇਸ ਸ਼ੁਭ ਦਿਨ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਹੁੱਡਾ ਨੇ ‘ਅਕਤੂਬਰ ਚਾਰ, ਭਾਜਪਾ ਬਾਹਰ’ ਦਾ ਨਾਅਰਾ ਲਾਇਆ। ਇਸ ਦੌਰਾਨ ਹੁੱਡਾ ਨੇ ਕਿਹਾ ਕਿ ਭਾਜਪਾ ਸਰਕਾਰ ਹੁਣ ਕੁਝ ਦਿਨਾਂ ਦੀ ਮਹਿਮਾਨ ਹੈ ਅਤੇ ਇਸ ਦੇ ਜਾਣ ਦਾ ਸਮਾਂ ਆ ਗਿਆ ਹੈ।