ਦਸਤਾਵੇਜ਼ੀ ਫ਼ਿਲਮ ‘ਅਟਾਰੀ ਜੰਕਸ਼ਨ’ ਦੀ ਸ਼ੂਟਿੰਗ ਸ਼ੁਰੂ

ਅਟਾਰੀ: ਅਟਾਰੀ ਰੇਲਵੇ ਸਟੇਸ਼ਨ ‘ਤੇ ਅੱਜ ਦਸਤਾਵੇਜ਼ੀ ਫ਼ਿਲਮ ‘ਅਟਾਰੀ ਜੰਕਸ਼ਨ’ ਦੀ ਸ਼ੂਟਿੰਗ ਸ਼ੁਰੂ ਹੋ ਗਈ ਹੈ। ਅੰਮ੍ਰਿਤਸਰ ਦੇ ਡੀਸੀ ਅਮਿਤ ਤਲਵਾੜ ਨੇ ਅੱਜ ਇਸ ਦਾ ਫਿਲਮਾਂਕਣ ਸ਼ੁਰੂ ਕਰਵਾਇਆ। ਇਹ ਦਸਤਾਵੇਜ਼ੀ ਫ਼ਿਲਮ 161 ਸਾਲ ਪੁਰਾਣੇ ਅਟਾਰੀ ਰੇਲਵੇ ਸਟੇਸ਼ਨ ਦੀ ਇਤਿਹਾਸਕ ਇਮਾਰਤਸਾਜ਼ੀ ਨੂੰ ਦਰਸਾਏਗੀ। ਸੇਵਾ ਸੰਕਲਪ ਸੁਸਾਇਟੀ ਦੀ ਸਰਪ੍ਰਸਤੀ ਹੇਠ ਬਣ ਰਹੀ ਇਸ ਦਸਤਾਵੇਜ਼ੀ ਫ਼ਿਲਮ ਦਾ ਨਿਰਦੇਸ਼ਨ ਹਰਪ੍ਰੀਤ ਸੰਧੂ ਵੱਲੋਂ ਕੀਤਾ ਜਾ ਰਿਹਾ ਹੈ। ਇਸ ਦੀ ਸਕ੍ਰਿਪਟ ਅਟਾਰੀ ਦੇ ਡਿਪਟੀ ਕਮਿਸ਼ਨਰ (ਕਸਟਮ) ਅਤੁਲ ਟਿਰਕੀ ਨੇ ਲਿਖੀ ਹੈ ਅਤੇ ਸਕਰੀਨਪਲੇਅ ਡਾ. ਸੁਰਜੀਤ ਪਾਤਰ ਦਾ ਹੈ। ਸ਼ੂਟਿੰਗ ਸ਼ੁਰੂ ਕਰਨ ਵੇਲੇ ਸੰਸਦ ਮੈਂਬਰ ਗੁਰਜੀਤ ਸਿੰਘ ਔਜਲਾ ਅਤੇ ਐਡੀਸ਼ਨਲ ਕਮਿਸ਼ਨਰ ਕਸਟਮ ਜੋਗਿੰਦਰ ਸਿੰਘ ਵੀ ਮੌਕੇ ‘ਤੇ ਮੌਜੂਦ ਸਨ। -ਪੱਤਰ ਪ੍ਰੇਰਕ