ਹਿਨਾ ਖਾਨ ਤੇ ਮੁਨੱਵਰ ਫਾਰੂਕੀ ਦੇ ਗੀਤ ‘ਹਲਕੀ ਹਲਕੀ ਸੀ’ ਦਾ ਦੂਜਾ ਪੋਸਟਰ ਜਾਰੀ

ਮੁੰਬਈ: ਅਦਾਕਾਰਾ ਹਿਨਾ ਖਾਨ ਅਤੇ ਕਾਮੇਡੀਅਨ ਮੁਨੱਵਰ ਫਾਰੂਕੀ ਦੇ ਆਉਣ ਵਾਲੇ ਗੀਤ ‘ਹਲਕੀ ਹਲਕੀ ਸੀ’ ਦਾ ਅੱਜ ਦੂਜਾ ਪੋਸਟਰ ਜਾਰੀ ਕੀਤਾ ਗਿਆ। ਫਿਲਮ ਦੀ ਵੀਡੀਓ ਕਲਕੱਤਾ ਦੀ ਪਿੱਠਭੂਮੀ ’ਤੇ ਆਧਾਰਿਤ ਹੈ। ਦੋਵਾਂ ਕਲਾਕਾਰਾਂ ਨੇ ਆਪੋ-ਆਪਣੇ ਸੋਸ਼ਲ ਮੀਡੀਆ ਖਾਤਿਆਂ ’ਤੇ ਪੋਸਟਰ ਸਾਂਝਾ ਕੀਤਾ। ਪੋਸਟਰ ਵਿੱਚ ਦੋਵੇਂ ਬਾਲਕੋਨੀ ਵਿੱਚ ਇੱਕ-ਦੂਜੇ ਨੇੜੇ ਖੜ੍ਹੇ ਦਿਖਾਈ ਦੇ ਰਹੇ ਹਨ। ਹਿਨਾ ਨੇ ਲਾਲ ਅਤੇ ਸਫੇਦ ਰੰਗ ਦੀ ਸਾੜੀ ਲਾਈ ਹੋਈ ਹੈ ਅਤੇ ਮੁਨੱਵਰ ਹਰੇ ਕੁੜਤੇ ਵਿੱਚ ਦਿਖਾਈ ਦੇ ਰਿਹਾ ਹੈ। ਮੁਨੱਵਰ ਨੇ ਇੰਸਟਾਗ੍ਰਾਮ ’ਤੇ ਪੋਸਟਰ ਸਾਂਝਾ ਕਰਦਿਆਂ ਲਿਖਿਆ, ਗੀਤ ‘ਹਲਕੀ ਹਲਕੀ ਸੀ’ 23 ਫਰਵਰੀ ਨੂੰ ਸਵੇਰੇ 11 ਵਜੇ ਯੂਟਿਊਬ ’ਤੇ ਰਿਲੀਜ਼ ਹੋ ਰਿਹਾ ਹੈ।’’ ਗੀਤ ਅਸੀਸ ਕੌਰ ਅਤੇ ਸਾਜ ਭੱਟ ਵੱਲੋਂ ਗਾਇਆ ਗਿਆ ਹੈ। ਇਹ ਗੀਤ ਸੰਜੀਵ ਚਤੁਰਵੇਦੀ ਨੇ ਲਿਖਿਆ ਹੈ ਅਤੇ ਇਸ ਦਾ ਸੰਗੀਤ ਵੀ ਉਸੇ ਨੇ ਦਿੱਤਾ ਹੈ। ਗੀਤ ਦਾ ਫਿਲਮਾਂਕਣ ‘ਏ ਟਰੂ ਮੇਕਰਜ਼ ਫਿਲਮ’ ਨੇ ਕੀਤਾ ਹੈ। ਜ਼ਿਕਰਯੋਗ ਹੈ ਕਿ ਹਿਨਾ ਖਾਨ ਰਿਐਲਿਟੀ ਸ਼ੋਅ ‘ਬਿੱਗ ਬੌਸ 11’ ਦੀ ਉਪ ਜੇਤੂ ਸੀ। ਉਸ ਨੂੰ ਟੀਵੀ ’ਤੇ ਆਖਰੀ ਵਾਰ ‘ਖਤਰੋਂ ਕੇ ਖਿਲਾੜੀ 13’ ਵਿੱਚ ਦੇਖਿਆ ਗਿਆ ਸੀ। -ਆਈਏਐੱਨਐੱਸ