ਟਾਇਰ ਫਟਣ ਕਾਰਨ ਸਕੂਲ ਵੈਨ ਦਰੱਖ਼ਤ ਨਾਲ ਟਰਕਾਈ

ਦੋਦਾ (ਜਸਬੀਰ ਸਿੰਘ ਭੁੱਲਰ): ਇੱਥੇ ਪਿੰਡ ਕਾਉਣੀ ਅਤੇ ਮੱਲਣ ਵਿਚਕਾਰ ਨਿਊ ਮਾਲਵਾ ਸੀਨੀਅਰ ਸੈਕੰਡਰੀ ਸਕੂਲ ਮੱਲਣ ਦੀ ਵੈਨ ਸੜਕ ਹਾਦਸੇ ਦਾ ਸ਼ਿਕਾਰ ਹੋ ਗਈ। ਇਹ ਵੈਨ ਸਕੂਲ ਦੇ ਖਿਡਾਰੀ ਵਿਦਿਆਰਥੀਆਂ ਨੂੰ ਮੁਕਤਸਰ ਵਿੱਚ ਚੱਲ ਰਹੇ ਟੂਰਨਾਮੈਂਟ ਤੋਂ ਲੈ ਕੇ ਮੱਲਣ ਸਕੂਲ ਵੱਲ ਜਾ ਰਹੀ ਸੀ। ਕਾਉਣੀ ਪਿੰਡ ਕੋਲ ਅਚਾਨਕ ਟਾਇਰ ਫਟਣ ਕਾਰਨ ਵੈਨ ਬੇਕਾਬੂ ਹੋ ਕੇ ਦਰੱਖਤ ਨਾਲ ਟਕਰਾਅ ਗਈ। ਹਾਦਸੇ ਵਿਚ ਚਾਰ ਵਿਦਿਆਰਥੀ ਅਤੇ ਡਰਾਈਵਰ ਗੰਭੀਰ ਜ਼ਖ਼ਮੀ ਹੋ ਗਏ ਅਤੇ ਸਕੂਲ ਵੈਨ ਬੁਰੀ ਤਰ੍ਹਾਂ ਨੁਕਸਾਨੀ ਗਈ। ਤੁਰੰਤ ਜ਼ਖ਼ਮੀਆਂ ਵਿੱਚੋਂ ਇਕ ਵਿਦਿਆਰਥੀ ਨੂੰ ਪ੍ਰਾਇਵੇਟ ਹਸਪਾਤਲ ਬਠਿੰਡਾ ਤੇ ਬਾਕੀ ਨੂੰ ਡਰਾਈਵਰ ਸਣੇ ਏਮਜ਼ ਹਸਪਤਾਲ ਬਠਿੰਡਾ ਲਿਜਾਇਆ ਗਿਆ।