ਆਵਾਜਾਈ ਲਈ ਲਾਈਆਂ ਰੋਕਾਂ ਕਾਰਨ ਸੰਗਤ ਪ੍ਰੇਸ਼ਾਨ

ਪੱਤਰ ਪ੍ਰੇਰਕ
ਨਵੀਂ ਦਿੱਲੀ, 13 ਅਗਸਤ
ਆਜ਼ਾਦੀ ਦਿਵਸ ਮੌਕੇ ਲਾਲ ਕਿਲੇ ਅਤੇ ਆਸ-ਪਾਸ ਦੇ ਇਲਾਕਿਆਂ ਵਿੱਚ ਸੁਰੱਖਿਆ ਬਲਾਂ ਵੱਲੋਂ ਕੀਤੇ ਗਏ ਪ੍ਰਬੰਧਾਂ ਕਾਰਨ ਇਤਿਹਾਸਕ ਗੁਰਦੁਆਰਾ ਸ਼ੀਸ਼ ਗੰਜ ਸਾਹਿਬ ਨੂੰ ਜਾਣ ਵਾਲੀ ਸੰਗਤ ਪ੍ਰੇਸ਼ਾਨ ਹੋ ਰਹੀ ਹੈ। ਦਿੱਲੀ ਸਿੱਖ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਸੀਨੀਅਰ ਮੈਂਬਰ ਬਲਬੀਰ ਸਿੰਘ ਵਿਵੇਕ ਵਿਹਾਰ ਨੇ ਕਿਹਾ ਕਿ ਵਾਹਨਾਂ ਦੀ ਆਵਾਜਾਈ ਲਈ ਲਾਈਆਂ ਰੋਕਾਂ ਸੰਗਤਾਂ ਨੂੰ ਪੈਦਲ ਦੂਰ ਤੋਂ ਗੁਰਦੁਆਰੇ ਤੱਕ ਜਾਣਾ ਪਿਆ। ਉਨ੍ਹਾਂ ਕਿਹਾ ਕਿ ਲੋਹੇ ਦੇ ਪੁਲ ਤੋਂ ਲਾਲ ਕਿਲੇ ਤੱਕ ਕੋਈ ਵੀ ਵਾਹਨ ਆਉਣ ਜਾਣ ਨਹੀਂ ਦਿੱਤਾ। ਰਿਕਸ਼ੇ ਉਪਰ ਵੀ ਪਾਬੰਦੀ ਲਗਾਈ ਗਈ ਹੈ। ਗੱਡੀਆਂ ਉਪਰ ਆਉਣ ਵਾਲੀ ਸੰਗਤ ਨੂੰ ਮੋਰੀ ਗੇਟ ਤੱਕ ਹੀ ਕਾਰਾਂ ਖੜ੍ਹੀਆਂ ਕਰਨ ਦਿੱਤੀਆਂ। ਅੱਗੋਂ ਪੈਦਲ ਜਾਣ ਦਿੱਤਾ ਗਿਆ। ਕਿਲੋਮੀਟਰ ਤੋਂ ਵੱਧ ਪੈਦਲ ਚੱਲ ਕੇ ਬਜ਼ੁਰਗ ਸ਼ਰਧਾਲੂਆਂ ਨੂੰ ਗੁਰਦੁਆਰੇ ਤੱਕ ਜਾਣਾ ਪਿਆ।