ਪ੍ਰੈੱਸ ਕਲੱਬ ਨੇ ਰਾਸ਼ਨ ਸਮੱਗਰੀ ਦੇ ਟਰੱਕ ਰਵਾਨਾ ਕੀਤੇ

ਭੁੱਚੋ ਮੰਡੀ: ਬਾਬਾ ਅਮਰਨਾਥ ਸ਼ਿਵ ਮੰਦਰ ਲੰਗਰ ਕਮੇਟੀ ਵੱਲੋਂ ਸ੍ਰੀ ਸਾਲਾਸਰ ਧਾਮ ਵਿੱਚ ਦੋ ਰੋਜ਼ਾ ਭੰਡਾਰਾ ਲਗਾਉਣ ਲਈ ਰਾਸ਼ਨ ਸਮੱਗਰੀ ਦੇ ਟਰੱਕ ਭੇਜੇ ਗਏ। ਇਨ੍ਹਾਂ ਨੂੰ ਪ੍ਰੈਸ ਕਲੱਬ ਭੁੱਚੋ ਦੇ ਪ੍ਰਧਾਨ ਬਿਰਜ ਸਿੰਗਲਾ, ਮੀਤ ਪ੍ਰਧਾਨ ਪਵਨ ਗੋਇਲ, ਜਨਰਲ ਸਕੱਤਰ ਸੁਸ਼ੀਲ ਨਾਗਪਾਲ ਅਤੇ ਯੂਟਿਊਬਰ ਰਾਜਵਿੰਦਰ ਰੰਗੀਲਾ ਨੇ ਝੰਡੀ ਦੇ ਕੇ ਰਵਾਨਾ ਕੀਤਾ। ਸੰਜੀਵ ਮਹਿਤਾ ਅਤੇ ਰਾਜੀਵ ਟੀਨੂੰ ਨੇ ਦੱਸਿਆ ਕਿ ਸਾਲਾਸਰ ਧਾਮ ਦੀ ਸਰਬ ਸਾਂਝੀ ਧਰਮਸ਼ਾਲਾ ਵਿੱਚ 31 ਦਸੰਬਰ ਅਤੇ ਇੱਕ ਜਨਵਰੀ ਨੂੰ ਵਿਸ਼ਾਲ ਭੰਡਾਰਾ ਲਾਇਆ ਜਾਵੇਗਾ। ਇਸ ਮੌਕੇ ਮਨੋਜ ਕੁਮਾਰ, ਈਸ਼ੂ ਸਿੰਗਲਾ, ਜਨਕ ਮਹਿਤਾ, ਸੁਰਿੰਦਰ ਸਿੰਗਲਾ, ਸੁਭਾਸ਼ ਛਾਬੜਾ, ਤੋਤਾ ਸ਼ਰਮਾ, ਨੀਰਜ ਬਾਂਸਲ, ਸੁਰਜੀਤ ਸਿੰਘ, ਵਿਮਲ ਗੋਇਲ, ਵਿਧਾਇਕ ਦੇ ਪੀਏ ਰਸਟੀ ਮਿੱਤਲ ਅਤੇ ਆਪ ਆਗੂ ਰਾਜੇਸ਼ ਨਿੱਕਾ ਆਦਿ ਹਾਜ਼ਰ ਸਨ। -ਪੱਤਰ ਪ੍ਰੇਰਕ