ਬਿਮਾਰ ਹੋਣ ਕਾਰਨ ਪੋਪ ਨੇ ਪ੍ਰੋਗਰਾਮ ਰੱਦ ਕੀਤੇ

ਰੋਮ, 23 ਸਤੰਬਰ

ਪੋਪ ਫਰਾਂਸਿਸ ਨੇ ਬੈਲਜੀਅਮ ਅਤੇ ਲਗਜ਼ਮਬਰਗ ਦੇ ਦੌਰਿਆਂ ’ਤੇ ਜਾਣ ਤੋਂ ਕੁੱਝ ਦਿਨ ਪਹਿਲਾਂ ‘ਹਲਕੇ ਫਲੂ ਵਰਗੇ ਲੱਛਣਾਂ’ ਕਾਰਨ ਅੱਜ ਆਪਣੇ ਪ੍ਰੋਗਰਾਮ ਰੱਦ ਕਰ ਦਿੱਤੇ। ਵੈਟੀਕਨ ਵੱਲੋਂ ਜਾਰੀ ਬਿਆਨ ਵਿੱਚ ਇਸ ਨੂੰ ਇੱਕ ‘ਇਹਤਿਆਤੀ ਕਦਮ’ ਕਰਾਰ ਦਿੱਤਾ ਗਿਆ ਹੈ। ਪੋਪ ਫਰਾਂਸਿਸ ਵੀਰਵਾਰ ਨੂੰ ਲਗਜ਼ਮਬਰਗ ਦਾ ਦੌਰਾ ਕਰਨਗੇ। ਇਸ ਮਗਰੋਂ ਉਹ ਹਫ਼ਤੇ ਦਾ ਬਾਕੀ ਦਿਨ ਬੈਲਜੀਅਮ ਵਿੱਚ ਬਿਤਾਉਣਗੇ। ਪੋਪ ਫਰਾਂਸਿਸ (87) ਪਿਛਲੇ ਕੁਝ ਸਾਲਾਂ ਤੋਂ ਸਿਹਤ ਸਮੱਸਿਆਵਾਂ ਨਾਲ ਜੂਝ ਰਹੇ ਹਨ। ਉਹ ਏਸ਼ੀਆ ਦੇ ਚਾਰ ਦੇਸ਼ਾਂ ਦੀ 11 ਦਿਨਾਂ ਦੀ ਯਾਤਰਾ ਮਗਰੋਂ 13 ਸਤੰਬਰ ਨੂੰ ਪਰਤੇ ਸਨ।