ਜੁਗਾੜੂ ਵਾਹਨਾਂ ਖ਼ਿਲਾਫ਼ ਪੁਲੀਸ ਨੇ ਸਖ਼ਤੀ ਵਧਾਈ

ਪੱਤਰ ਪ੍ਰੇਰਕ

ਪੰਚਕੂਲਾ, 5 ਜੂਨ

ਪੰਚਕੂਲਾ ਦੇ ਸੈਕਟਰ-20 ਥਾਣਾ ਪੁਲੀਸ ਨੇ ਜੁਗਾੜ ਵਾਲੇ ਚਾਰ ਵਾਹਨ ਜ਼ਬਤ ਕੀਤੇ ਹਨ। ਲੋਕਾਂ ਦੀ ਸੁਰੱਖਿਆ ਨੂੰ ਧਿਆਨ ਵਿੱਚ ਰੱਖਦਿਆਂ ਪੁਲੀਸ ਨੇ ਜੁਗਾੜੂ ਵਾਹਨਾਂ ਖ਼ਿਲਾਫ਼ ਵਿਸ਼ੇਸ਼ ਮੁਹਿੰਮ ਚਲਾਈ ਹੈ। ਕੁਝ ਲੋਕ ਸੜਕ ਸੁਰੱਖਿਆ ਦੇ ਨਿਯਮਾਂ ਦੀਆਂ ਧੱਜੀਆਂ ਉਡਾ ਕੇ ਆਪਣੇ ਹਿਸਾਬ ਨਾਲ ਵਾਹਨ ਬਣਾਉਂਦੇ ਹਨ। ਇਨ੍ਹਾਂ ਵਾਹਨਾਂ ਦੇ ਸਾਈਡ ‘ਤੇ ਲੋਹੇ ਦੀ ਰਾਡ ਜਾਂ ਪਾਈਪ ਲਗਾਈ ਜਾਂਦੀ ਹੈ, ਜੋ ਹੋਰ ਵਾਹਨਾਂ ਨੂੰ ਨੁਕਸਾਨ ਪਹੁੰਚਾ ਸਕਦੀ ਹੈ। ਇਸ ਵਿੱਚ ਜ਼ਿਆਦਾਤਰ ਤਿੰਨ ਪਹੀਆ ਵਾਹਨ ਸ਼ਾਮਲ ਹਨ। ਲੋਕ ਇਸ ਦੀ ਵਰਤੋਂ ਮੋਟਰਸਾਈਕਲ ਦੇ ਪਿਛਲੇ ਹਿੱਸੇ ‘ਤੇ ਰਿੰਗ ਜੋੜ ਕੇ ਸਾਮਾਨ ਢੋਹਣ ਲਈ ਕਰਦੇ ਹਨ।