ਰਾਹਾ ਨਾਲ ਰਣਬੀਰ ਕਪੂਰ ਦੀ ਤਸਵੀਰ ਨੇ ਪ੍ਰਸ਼ੰਸਕਾਂ ਨੂੰ ਕੀਤਾ ਹੈਰਾਨ

ਮੁੰਬਈ:

ਬੌਲੀਵੁੱਡ ਜੋੜਾ ਰਣਬੀਰ ਕਪੂਰ ਤੇ ਆਲੀਆ ਭੱਟ ਦੀ ਧੀ ਰਾਹਾ ਕਪੂਰ ਬਹੁਤ ਪਿਆਰੀ ਹੈ। ਜਦੋਂ ਵੀ ਪ੍ਰਸ਼ੰਸਕ ਸੋਸ਼ਲ ਮੀਡੀਆ ’ਤੇ ਉਸ ਦੀ ਤਸਵੀਰ ਦੇਖਦੇ ਹਨ ਤਾਂ ਉਹ ਦੀਵਾਨੇ ਹੋ ਜਾਂਦੇ ਹਨ। ਸੋਸ਼ਲ ਮੀਡੀਆ ਉੱਤੇ ਇਕ ਫੈਨ ਪੇਜ ’ਤੇ ਤਸਵੀਰ ਸਾਂਝੀ ਕੀਤੀ ਗਈ ਹੈ, ਜਿਸ ’ਚ ਰਣਬੀਰ ਨੇ ਰਾਹਾ ਨੂੰ ਚੁੱਕਿਆ ਹੋਇਆ ਹੈ ਤੇ ਉਸ ਨੂੰ ਸਟਾਫ ਮੈਂਬਰ ਨਾਲ ਪੋਜ਼ ਦਿੰਦਿਆਂ ਦੇਖਿਆ ਜਾ ਸਕਦਾ ਹੈ। ਰਾਹਾ ਗੁਲਾਬੀ ਸਵਿਮਸੂਟ ਤੇ ਸਫੈਦ ਹੈੱਡਬੈਂਡ ’ਚ ਬਹੁਤ ਪਿਆਰੀ ਲੱਗ ਰਹੀ ਹੈ। ਪੋਸਟ ਹੇਠ ਪ੍ਰਸ਼ੰਸਕਾਂ ਵੱਲੋਂ ਸਿਰਫ਼ ਰਾਹਾ ਬਾਰੇ ਹੀ ਗੱਲ ਕੀਤੀ ਗਈ ਹੈ। ਇਕ ਪ੍ਰਸ਼ੰਸਕ ਨੇ ਲਿਖਿਆ, ‘‘ਓ ਮਾਈ ਗੌਡ, ਰਾਹਾ ਬਹੁਤ ਪਿਆਰੀ ਹੈ।’’। ਇਕ ਹੋਰ ਨੇ ਕਿਹਾ, ‘‘ਮੈਂ ਨੰਨ੍ਹੀ ਤੋਂ ਨਜ਼ਰਾਂ ਨਹੀਂ ਹਟਾ ਸਕਦਾ।’’ ਹਾਲ ਹੀ ’ਚ ਰਿਧੀਮਾ ਕਪੂਰ ਸਾਹਨੀ ਨੇ ਰਾਹਾ ਨਾਲ ਆਪਣੀ ਸ਼ਾਨਦਾਰ ਤਸਵੀਰ ਸਾਂਝ ਕੀਤੀ ਸੀ, ਜਿਸ ’ਚ ਉਸ ਨੇ ਨੀਲੀ ਟੌਪੀ ਤੇ ਮਾਸਕ ਪਾਇਆ ਹੋਇਆ ਸੀ। ਭਾਵੇਂ ਰਾਹਾ ਦਾ ਚਿਹਰਾ ਨਹੀਂ ਸੀ ਦਿੱਖ ਰਿਹਾ ਪਰ ਰਿਧਿਮਾ ਦੀ ਖੁਸ਼ੀ ਦੇ ਪ੍ਰਗਟਾਵੇ ਨੇ ਦਿਖਾਇਆ ਉਹ ਪਲ ਉਸ ਲਈ ਕਿੰਨਾ ਕੀਮਤੀ ਸੀ। -ਏਐੱਨਆਈ