ਪਰਨਿੀਤੀ ਤੇ ਰਾਘਵ ਦੀ ‘ਹਲਦੀ’ ਰਸਮ ਦੀ ਤਸਵੀਰ ਸਾਹਮਣੇ ਆਈ

ਮੁੰਬਈ: ਬੌਲੀਵੁੱਡ ਅਦਾਕਾਰਾ ਪਰਨਿੀਤੀ ਚੋਪੜਾ ਅਤੇ ‘ਆਪ’ ਆਗੂ ਰਾਘਵ ਚੱਢਾ ਪਿਛਲੇ ਹਫ਼ਤੇ ਵਿਆਹ ਦੇ ਬੰਧਨ ਬੱਝੇ ਸਨ। ਹੁਣ ਉਨ੍ਹਾਂ ਦੇ ਵਿਆਹ ਦੀਆਂ ਤਸਵੀਰਾਂ ਸਾਹਮਣੇ ਆ ਰਹੀਆਂ ਹਨ। ਉਨ੍ਹਾਂ ਦੀ ਅਜਿਹੀ ਹੀ ਇੱਕ ਤਸਵੀਰ ਸੋਸ਼ਲ ਮੀਡੀਆ ’ਤੇ ਘੁੰਮ ਰਹੀ ਹੈ। ਇਹ ਤਸਵੀਰ ‘ਹਲਦੀ’ ਰਸਮ ਦੀ ਹੈ। ਇਸ ਵਿੱਚ ਪਰਨਿੀਤੀ ਮੁਸਕਰਾਉਂਦੀ ਹੋਈ ਨਜ਼ਰ ਆ ਰਹੀ ਹੈ ਅਤੇ ਉਸ ਨਾਲ ਰਾਘਵ ਚੱਢਾ ਵੀ ਬੈਠੇ ਨਜ਼ਰ ਆ ਰਹੇ ਹਨ। ਅਦਾਕਾਰਾ ਨੇ ਹਲਕੇ ਗੁਲਾਬੀ ਰੰਗ ਦੀ ਪੁਸ਼ਾਕ ਪਹਨਿੀ ਹੋਈ ਹੈ। ਉਸ ਨੇ ਵਾਲਾਂ ’ਤੇ ਚਿੱਟੇ ਰੰਗ ਦਾ ਹੇਅਰਬੈਂਡ ਲਾਇਆ ਹੋਇਆ ਹੈ ਅਤੇ ਕੰਨਾਂ ਵਿੱਚ ਸੁਨਹਿਰੀ ਰੰਗ ਦੇ ਝੁਮਕੇ ਪਾਏ ਹੋਏ ਹਨ। ਰਾਘਵ ਚੱਢਾ ਚਿੱਟੇ ਕੁੜਤੇ ਪਜਾਮੇ ਵਿੱਚ ਬੈਠਾ ਹੈ ਅਤੇ ਕਮੀਜ਼ ’ਤੇ ਹਲਦੀ ਲੱਗੀ ਹੋਈ ਹੈ। ਉਹ ਫੁੱਲਾਂ ਦੀ ਛੱਤ ਹੇਠ ਬੈਠੇ ਹਨ ਅਤੇ ਆਪਣੇ ਦੋਸਤਾਂ ਤੇ ਪਰਿਵਾਰ ਨਾਲ ਘਿਰੇ ਹੋਏ ਹਨ। ਤਸਵੀਰ ਪਰਨਿੀਤੀ ਦੇ ਫੈਨ ਪੇਜ ਤੋਂ ਸਾਂਝੀ ਕੀਤੀ ਗਈ ਹੈ। ਇਸ ਜੋੜੇ ਦੀ ਮਈ ਮਹੀਨੇ ਦਿੱਲੀ ਵਿੱਚ ਮੰਗਣੀ ਹੋਈ ਸੀ। ਫਿਰ ਉਹ ਵਿਆਹ ਕਰਵਾਉਣ ਲਈ ਉਦੈਪੁਰ ਚਲੇ ਗਏ ਸਨ। ਮਹਿੰਦੀ ਅਤੇ ਵਿਆਹ ਦੀਆਂ ਹੋਰ ਰਸਮਾਂ ਵੀ ਇੱਥੇ ਹੀ ਹੋਈਆਂ ਸਨ। ਉਹ ਐਤਵਾਰ ਨੂੰ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ। ਉਨ੍ਹਾਂ ਦੇ ਵਿਆਹ ਸਮਾਰੋਹ ਵਿੱਚ ਬੌਲੀਵੁੱਡ ਅਤੇ ਸਿਆਸੀ ਹਸਤੀਆਂ ਮੌਜੂਦ ਸਨ। -ਆਈਏਐੱਨਐੱਸ