ਚੀਮਾ ਦੀ ਪੰਚਾਇਤ ਨੇ ਬੱਸ ਅੱਡੇ ਦੀ ਨੁਹਾਰ ਬਦਲਣ ਦਾ ਕੰਮ ਵਿੱਢਿਆ

ਪੱਤਰ ਪ੍ਰੇਰਕ
ਪੱਖੋ ਕੈਂਚੀਆਂ, 29 ਨਵੰਬਰ
ਪਿੰਡ ਚੀਮਾ ਦੀ ਨਵੀਂ ਬਣੀ ਪੰਚਾਇਤ ਵੱਲੋਂ ਸਰਪੰਚ ਮਲੂਕ ਸਿੰਘ ਧਾਲੀਵਾਲ ਦੀ ਅਗਵਾਈ ਵਿੱਚ ਪਿੰਡ ਦੀ ਨੁਹਾਰ ਬਦਲਣ ਦੇ ਯਤਨ ਸ਼ੁਰੂ ਕਰ ਦਿੱਤੇ ਗਏ ਹਨ, ਜਿਸ ਤਹਿਤ ਅੱਜ ਪਿੰਡ ਦੇ ਆਜ਼ਾਦ ਸਪੋਰਟਸ ਕਲੱਬ ਦੀ ਮਦਦ ਨਾਲ ਪਿੰਡ ਦੇ ਬੱਸ ਅੱਡੇ ਦੇ ਰਸਤੇ ਉਪਰ ਦਰੱਖਤਾਂ ਦੀ ਕਾਂਟ-ਛਾਂਟ ਕੀਤੀ ਗਈ। ਰਸਤੇ ਵਿੱਚ ਆ ਰਹੀ ਟਾਹਣੀਆਂ ਵਗੈਰਾ ਨੂੰ ਕੱਟਿਆ ਗਿਆ। ਸਰਪੰਚ ਮਲੂਕ ਸਿੰਘ ਨੇ ਦੱਸਿਆ ਕਿ ਖ਼ਾਲੀ ਥਾਵਾਂ ਉਪਰ ਨਵੇਂ ਬੂਟੇ ਲਾਏ ਜਾਣਗੇ ਅਤੇ ਇਸ ਰਸਤੇ ਸਮੇਤ ਪਿੰਡ ਦੀ ਸਾਰੀ ਫ਼ਿਰਨੀ ਸੁੰਦਰ ਬਣਾਈ ਜਾਵੇਗੀ। ਇਸ ਮੌਕੇ ਪੰਚ ਸੁਖਜਿੰਦਰ ਸਿੰਘ­, ਯੂਸਫ਼ ਖਾਨ­, ਗੁਰਮੇਲ ਸਿੰਘ ਸਿੱਖ­, ਰਮਨਦੀਪ ਸਿੰਘ­, ਕਲੱਬ ਪ੍ਰਧਾਨ ਜੀਵਨ ਸਿੰਘ ਧਾਲੀਵਾਲ,­ ਲਖਵਿੰਦਰ ਸਿੰਘ ਸੀਰਾ­, ਗੁਰਮੇਲ ਸਿੰਘ ਅਤੇ ਕਰਮਜੀਤ ਸਿੰਘ ਵੀ ਹਾਜ਼ਰ ਸਨ।