ਪ੍ਰੇਮੀ ਜੋੜੇ ਨੇ ਫਾਹਾ ਲਿਆ

ਪੱਤਰ ਪ੍ਰੇਰਕ
ਟੋਹਾਣਾ, 8 ਅਗਸਤ
ਇੱਥੇ ਬੀਤੀ ਰਾਤ ਨੇੜਲੇ ਖੇਤਰ ਆਦਮਪੁਰ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਰਹਿੰਦੇ ਪ੍ਰੇਮੀ ਜੋੜੇ ਨੇ ਫਾਹਾ ਲੈ ਲਿਆ। ਉਨ੍ਹਾਂ ਨੇ ਕਰੀਬ ਸਾਲ ਪਹਿਲਾਂ ਵਿਆਹ ਕਰਵਾਇਆ ਸੀ। ਜੋੜੇ ਦੀ ਪਛਾਣ ਸੰਤੋਸ਼ ਅਤੇ ਰਾਮਚੰਦਰ ਵਜੋਂ ਹੋਈ। ਪੁਲੀਸ ਨੇ ਮ੍ਰਿਤਕਾ ਸੰਤੋਸ਼ ਦੇ ਮਾਪਿਆਂ ਨੂੂੰ ਸੂਚਨਾ ਦੇਣ ਉਪਰੰਤ ਉਹ ਪਿੰਡ ਚਿੜੌਦ ਥਾਣਾ ਸ਼ਿਵਾਨੀ (ਭਿਵਾਨੀ) ਤੋਂ ਇਥੇ ਆਦਮਪੁਰ ਪੁੱਜੇ। ਉਨ੍ਹਾਂ ਨੇ ਮ੍ਰਿਤਕਾ ਦੀ ਲਾਸ਼ ਲੈੈਣ ਤੋਂ ਇਨਕਾਰ ਕਰ ਦਿੱਤਾ। ਪੁਲੀਸ ਨੇ ਮ੍ਰਿਤਕ ਰਾਮਚੰਦਰ ਦੇ ਭਰਾ ਲਛਮਣ ਵਾਸੀ ਖਾਸਾ ਮਹਾਜਨ ਦੇ ਬਿਆਨਾਂ ’ਤੇ ਕਾਰਵਾਈ ਕੀਤੀ। ਪੁਲੀਸ ਮੁਤਾਬਕ ਪ੍ਰੇਮੀ ਜੋੜੇ ਵੱਲੋਂ ਸਾਲ ਪਹਿਲਾਂ ਵਿਆਹ ਕਰ ਲੈਣ ’ਤੇ ਜੋੜਾ ਆਦਮਪੁਰ ਦੀ ਆਟੋ ਮਾਰਕੀਟ ਦੇ ਪਿੱਛੇ ਗਾਂਧੀ ਕਲੋਨੀ ਵਿੱਚ ਕਿਰਾਏ ਦੇ ਮਕਾਨ ਵਿੱਚ ਰਹਿੰਦਾ ਸੀ। ਪੁਲੀਸ ਮੁਤਾਬਿਕ ਉਨ੍ਹਾਂ ਦੇ ਕਮਰੇ ਵਿੱਚੋ ਕੋਈ ਸੁਸਾਈਡ ਨੋਟ ਨਹੀਂ ਮਿਲਿਆ।