ਜੇਲ੍ਹ ’ਚ ਬੰਦ ਗੈਂਗਸਟਰਾਂ ਨੇ ਫ਼ਿਰੌਤੀ ਲਈ ਹਮਲਾ ਕਰਵਾਇਆ

ਤਰਨ ਤਾਰਨ: ਜੇਲ੍ਹ ਵਿੱਚ ਬੰਦ ਦੋ ਗੈਂਗਸਟਰਾਂ ਦੇ ਦੋ ਹਥਿਆਰਬੰਦ ਸਾਥੀਆਂ ਵੱਲੋਂ 50 ਲੱਖ ਰੁਪਏ ਫ਼ਿਰੌਤੀ ਲਈ ਮਜਬੂਰ ਕਰਨ ਲਈ ਇਲਾਕੇ ਦੇ ਪਿੰਡ ਚੌਧਰੀਵਾਲਾ ਦੇ ਵਾਸੀ ਜਗਜੀਤ ਸਿੰਘ ਦੇ ਘਰ ਸਾਹਮਣੇ ਗੋਲੀਆਂ ਚਲਾ ਦਿੱਤੀਆਂ। ਜਗਜੀਤ ਸਿੰਘ ਨੇ ਥਾਣਾ ਸਰਹਾਲੀ ਨੂੰ ਸ਼ਿਕਾਇਤ ਦਰਜ ਕਰਵਾਈ ਹੈ| ਏਐੱਸਆਈ ਗੱਜਣ ਸਿੰਘ ਨੇ ਅੱਜ ਦੱਸਿਆ ਕਿ ਸ਼ਿਕਾਇਤ ਅਨੁਸਾਰ ਵੀਰਵਾਰ-ਸ਼ੁੱਕਰਵਾਰ ਦੀ ਦਰਮਿਆਨੀ ਰਾਤ ਨੂੰ ਮੋਟਰਸਾਈਕਲ ’ਤੇ ਆਏ ਦੋ ਜਣੇ ਜਗਜੀਤ ਦੇ ਘਰ ਵੱਲ ਗੋਲੀਆਂ ਚਲਾ ਕੇ ਫ਼ਰਾਰ ਹੋ ਗਏ| ਘਟਨਾ ਤੋਂ ਕੁਝ ਸਮਾਂ ਬਾਅਦ ਜੇਲ੍ਹ ’ਚ ਬੰਦ ਉਸ ਦੇ ਪਿੰਡ ਦੇ ਗੈਂਗਸਟਰ ਗੁਰਪ੍ਰੀਤ ਸਿੰਘ ਗੋਪੀ ਤੇ ਨੇੜਲੇ ਪਿੰਡ ਠੱਠੀਆਂ ਮਹੰਤਾਂ ਦੇ ਮੋਹਪ੍ਰੀਤ ਸਿੰਘ ਮੋਹ ਨੇ ਫੋਨ ਕਰ ਕੇ ਦਾਅਵਾ ਕੀਤਾ ਕਿ ਉਸ ਦੇ ਘਰ ’ਤੇ ਗੋਲੀਆਂ ਉਨ੍ਹਾਂ ਨੇ ਚਲਵਾਈਆਂ ਹਨ| -ਪੱਤਰ ਪ੍ਰੇਰਕ