ਵਿਆਹ ਵਾਲੇ ਦਿਨ ਲਾੜਾ ਗਾਇਬ

ਮੋਰਿੰਡਾ:

ਇੱਥੇ ਇੱਕ ਨੌਜਵਾਨ ਦੀ ਅੱਜ ਬਾਰਾਤ ਚੜ੍ਹਨੀ ਸੀ। ਸਾਰੇ ਰਿਸ਼ਤੇਦਾਰ ਅਤੇ ਬਾਰਾਤ ਜਾਣ ਵਾਲੇ ਜਦੋਂ ਤਿਆਰ ਹੋਣ ਲੱਗੇ ਤਾਂ ਪਤਾ ਲੱਗਿਆ ਕਿ ਲਾੜਾ ਘਰ ਤੋਂ ਭੇਦਭਰੀ ਹਾਲਤ ਵਿੱਚ ਗਾਇਬ ਸੀ। ਇਸ ਬਾਰੇ ਘਰ ਵਾਲਿਆਂ ਨੂੰ ਸਵੇਰੇ ਜਦੋਂ ਲਗਪਗ 6 ਕੁ ਵਜੇ ਪਤਾ ਲੱਗਿਆ ਲਾੜਾ ਘਰ ਵਿੱਚ ਮੌਜੂਦ ਨਹੀਂ ਹੈ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਵਿਆਹ ਦੀਆਂ ਸਾਰੀਆਂ ਤਿਆਰੀਆਂ ਮੁਕੰਮਲ ਹੋ ਗਈਆਂ ਸਨ। ਇਸ ਬਾਰੇ ਪਰਿਵਾਰ ਵੱਲੋਂ ਮੋਰਿੰਡਾ ਪੁਲੀਸ ਨੂੰ ਸੂਚਿਤ ਕਰ ਦਿੱਤਾ ਗਿਆ ਹੈ। ਪੁਲਿਸ ਮਾਮਲੇ ਦੀ ਪੜਤਾਲ ਕਰ ਰਹੀ ਹੈ। -ਪੱਤਰ ਪ੍ਰੇਰਕ