ਕਾਰੋਬਾਰ ਬੰਦ ਕਰਨ ਦੀ ਧਮਕੀ ਦੇ ਕੇ ਸੋਨੇ ਦੀ ਚੇਨੀ ਖੋਹੀ

ਪੱਤਰ ਪ੍ਰੇਰਕ
ਤਰਨ ਤਾਰਨ, 14 ਸਤੰਬਰ
ਭਿੱਖੀਵਿੰਡ ਦੇ ਵਾਸੀ ਰਣਜੀਤ ਸਿੰਘ ਤੋਂ ਬੀਤੇ ਕੱਲ੍ਹ ਉਸ ਦੇ ਗਲ ਵਿੱਚੋਂ 4.5 ਲੱਖ ਰੁਪਏ ਦੀ ਕੀਮਤ ਦੀ ਸੋਨੇ ਦੀ ਚੇਨੀ ਸਕਾਰਪੀਓ ਸਵਾਰ ਸੱਤ ਜਣੇ ਖੋਹ ਕੇ ਲੈ ਗਏ| ਭਿੱਖੀਵਿੰਡ ਦੇ ਹੀ ਵਾਸੀ ਰਣਜੀਤ ਸਿੰਘ ਨੇ ਦੱਸਿਆ ਕਿ ਉਹ ਆਪਣੇ ਦਫਤਰ ਤੋਂ ਭਿੱਖੀਵਿੰਡ ਆਇਆ ਸੀ| ਉਸ ਨੇ ਆਪਣੀ ਗੱਡੀ ਸੜਕ ਕਿਨਾਰੇ ਲਗਾਈ ਸੀ ਤਾਂ ਉਨ੍ਹਾਂ ਆਪਣੀ ਬਿਨਾਂ ਨੰਬਰ ਦੇ ਸਕਾਰਪੀਓ ਨਾਲ ਉਸ ਦੀ ਗੱਡੀ ਨੂੰ ਪਿੱਛੋਂ ਟੱਕਰ ਮਾਰ ਦਿੱਤੀ ਅਤੇ ਉਲਟਾ ਉਸ ਨਾਲ ਝਗੜਾ ਕਰਨ ਲੱਗੇ| ਉਸ ਨੇ ਕਿਹਾ ਕਿ ਇਹ ਗੱਡੀ ਉਸ ਦਾ ਅੰਮ੍ਰਿਤਸਰ ਤੋਂ ਹੀ ਪਿੱਛਾ ਕਰਦੀ ਆ ਰਹੀ ਸੀ ਅਤੇ ਗੱਡੀ ਸਵਾਰ ਹਮਲਾਵਰ ਉਸ ਨੂੰ ਇਕ ਗਵਰਨਰ ਸਿੰਘ ਉਰਫ ਗੈਵੀ ਕਲੇਰ ਵਾਸੀ ਅੰਮ੍ਰਿਤਸਰ ਦੇ ਕਹਿਣ ’ਤੇ ਆਪਣਾ ਕਾਰੋਬਾਰ ਬੰਦ ਨਾ ਕਰਨ ’ਤੇ ਹੋਰ ਵਧੇਰੇ ਨੁਕਸਾਨ ਕਰਨ ਦੀ ਧਮਕੀ ਦਿੰਦਿਆਂ ਉਸ ਦੀ ਚੇਨੀ ਖੋਹ ਕੇ ਫਰਾਰ ਹੋ ਗਏ| ਪੁਲੀਸ ਨੇ ਕੇਸ ਦਰਜ ਕਰ ਲਿਆ ਹੈ।