ਗੁਰੂ ਕਲਗੀਧਰ ਸਕੂਲ ਦੀਆਂ ਲੜਕੀਆਂ ਨੇ ਖੇਡਾਂ ’ਚ ਮੱਲਾਂ ਮਾਰੀਆਂ

ਪੱਤਰ ਪ੍ਰੇਰਕ
ਜੈਂਤੀਪੁਰ 12 ਸਤੰਬਰ
ਗੁਰੂ ਕਲਗੀਧਰ ਸੀਨੀਅਰ ਸੈਕੰਡਰੀ ਸਕੂਲ ਰੋੜੀਵਾਲ ਮਰੜ੍ਹ ਦੀਆਂ ਲੜਕੀਆਂ ਨੇ ਕਾਲਾ ਅਫਗਾਨਾ ਵਿਖੇ ਹੋਈਆਂ ਬਲਾਕ ਪੱਧਰੀ ਖੇਡਾਂ ਵਿੱਚ 7 ਗੋਲਡ, 5 ਸਿਲਵਰ ਅਤੇ 4 ਕਾਂਸੇ ਦੇ ਮੈਡਲ ਜਿੱਤ ਕੇ ਆਪਣੇ ਸਕੂਲ ਅਤੇ ਮਾਪਿਆਂ ਦਾ ਨਾਮ ਰੌਸ਼ਨ ਕੀਤਾ।
ਇਸ ਸਬੰਧੀ ਸਕੂਲ ਦੇ ਪ੍ਰਿੰਸੀਪਲ ਪ੍ਰਕਾਸ਼ ਸਿੰਘ ਨੇ ਦੱਸਿਆ ਕਿ ਕਰਮਜੀਤ ਕੌਰ ਅੰਡਰ 17 ਨੇ 100 ਮੀਟਰ ਦੌੜ ’ਚ ਪਹਿਲਾ, ਕੁਲਨੂਰ ਨੇ 800 ਮੀਟਰ ਦੌੜ ਅਤੇ ਲੰਬੀ ਛਾਲ ’ਚ ਪਹਿਲਾ, ਗੁਰਪਿੰਦਰ ਕੌਰ ਅੰਡਰ 21 ਨੇ 400 ਮੀਟਰ ਦੌੜ ਅਤੇ ਲੰਬੀ ਛਾਲ ’ਚ ਪਹਿਲਾ, ਹੁਸਨਪ੍ਰੀਤ ਕੌਰ ਨੇ 100 ਮੀਟਰ ਮੀਟਰ ਦੌੜ ’ਚ ਪਹਿਲਾ ਅਤੇ ਗੋਲਾ ਸੁੱਟਣ ’ਚ ਦੂਜਾ, ਪ੍ਰਭਜੋਤ ਕੌਰ ਅੰਡਰ 14 ਨੇ 600 ਮੀਟਰ ਦੌੜ ’ਚ ਦੂਜਾ, ਨਵਪ੍ਰੀਤ ਕੌਰ ਅੰਡਰ 17 ਨੇ ਗੋਲਾ ਸੁੱਟਣ ’ਚ ਦੂਜਾ ਅਤੇ 1500 ਮੀਟਰ ਦੌੜ ’ਚ ਤੀਜਾ, ਸੁਨੇਹਾ ਨੇ 200 ਮੀਟਰ ਦੌੜ ’ਚ ਦੂਜਾ ਅਤੇ 800 ਮੀਟਰ ’ਚ ਤੀਜਾ, ਰਜਵੰਤ ਕੌਰ ਅੰਡਰ 21 ਨੇ 1500 ਮੀਟਰ ਦੌੜ ’ਚ ਦੂਜਾ ਅਤੇ ਗੋਲਾ ਸੁੱਟਣ ’ਚ ਤੀਜਾ ਸਥਾਨ ਹਾਸਲ ਕੀਤਾ। ਇਸੇ ਤਰ੍ਹਾਂ ਲੜਕੀਆਂ ਦੀ ਕਬੱਡੀ ਟੀਮ ਨੇ ਨੈਸ਼ਨਲ ਸਟਾਈਲ ਕਬੱਡੀ ਵਿੱਚ ਬਲਾਕ ਵਿੱਚੋਂ ਪਹਿਲਾ ਸਥਾਨ ਹਾਸਲ ਕੀਤਾ।
ਜੇਤੂ ਖਿਡਾਰੀਆਂ ਦਾ ਸਕੂਲ ਪਹੁੰਚਣ ’ਤੇ ਸਕੂਲ ਦੇ ਡਾਇਰੈਕਟਰ ਭਾਈ ਸਵਿੰਦਰ ਸਿੰਘ, ਪ੍ਰਿੰਸੀਪਲ ਪ੍ਰਕਾਸ਼ ਸਿੰਘ, ਡੀ.ਪੀ ਸਤਨਾਮ ਸਿੰਘ, ਅਤੇ ਸਮੂਹ ਸਟਾਫ ਵੱਲੋਂ ਸ਼ਾਨਦਾਰ ਸਵਾਗਤ ਕਰਕੇ ਯਾਦਗਾਰੀ ਚਿੰਨ੍ਹ ਦੇ ਕੇ ਸਨਮਾਨਿਤ ਕੀਤਾ ਗਿਆ।