ਸਕੂਲ ਪੜ੍ਹਾਉਣ ਗਈ ਲੜਕੀ ਲਾਪਤਾ

ਲੁਧਿਆਣਾ: ਥਾਣਾ ਡਿਵੀਜ਼ਨ ਨੰਬਰ-7 ਦੀ ਪੁਲੀਸ ਨੂੰ ਗਲੀ ਨੰਬਰ 10 ਗੁਰੂ ਅਰਜਨ ਦੇਵ ਨਗਰ ਨੇੜੇ ਸਮਰਾਲਾ ਚੌਕ ਵਾਸੀ ਨੁਸਰਤ ਖਾਤੂਨ ਨੇ ਦੱਸਿਆ ਹੈ ਕਿ ਲੜਕੀ ਸ਼ਹਿਨਾਜ਼ ਖਾਤੂਨ (18) ਰੈੱਡ ਰੋਜ਼ ਸਕੂਲ ਗਲੀ ਨੰਬਰ-5 ਅਦਰਸ਼ ਨਗਰ ਵਿੱਚ ਪੜਾਉਂਦੀ ਹੈ। ਉਹ ਰੋਜ਼ਾਨਾ ਦੀ ਤਰ੍ਹਾਂ ਸਕੂਲ ਪੜ੍ਹਾਉਣ ਲਈ ਗਈ ਸੀ ਪਰ ਵਾਪਿਸ ਨਹੀਂ ਆਈ। ਉਸ ਨੇ ਸ਼ੱਕ ਪ੍ਰਗਟ ਕੀਤਾ ਹੈ ਕਿ ਉਸ ਦੀ ਲੜਕੀ ਨੂੰ ਕਿਸੇ ਨਾਮਲੂਮ ਵਿਅਕਤੀ ਨੇ ਆਪਣੇ ਨਿੱਜੀ ਸੁਆਰਥ ਲਈ ਲੁਕਾ ਕੇ ਰੱਖਿਆ ਹੋਇਆ ਹੈ। -ਨਿੱਜੀ ਪੱਤਰ ਪ੍ਰੇਰਕ