ਧੂਰੀ ਰੇਲਵੇ ਸਟੇਸ਼ਨ ਤੋਂ ਲਾਵਾਰਸ ਹਾਲਤ ਵਿੱਚ ਮਿਲੀ ਲੜਕੀ

ਨਿੱਜੀ ਪੱਤਰ ਪ੍ਰੇਰਕ
ਸੰਗਰੂਰ, 2 ਮਈ
ਧੂਰੀ ਰੇਲਵੇ ਸਟੇਸ਼ਨ ਤੋਂ ਰੇਲਵੇ ਪੁਲੀਸ ਫੋਰਸ ਨੂੰ ਬੱਚੀ ਲਾਵਾਰਸ ਹਾਲਤ ਵਿੱਚ ਮਿਲੀ ਹੈ ਜੋ ਆਪਣਾ ਨਾਮ ਕਾਜਲ ਉਰਫ਼ ਪਾਰੋ ਦੱਸਦੀ ਹੈ, ਕਰੀਬ 10 ਸਾਲ ਉਮਰ ਦੀ ਇਹ ਬੱਚੀ ਨੂੰ ਜਲੰਧਰ ਦੀ ਰਹਿਣ ਵਾਲੀ ਦੱਸਿਆ ਜਾ ਰਿਹਾ ਹੈ।
ਇਸ ਸਬੰਧੀ ਜ਼ਿਲ੍ਹਾ ਬਾਲ ਸੁਰੱਖਿਆ ਅਫਸਰ ਸੰਗਰੂਰ ਨਵਨੀਤ ਕੌਰ ਤੂਰ ਨੇ ਦੱਸਿਆ ਕਿ ਰੇਲਵੇ ਵਿਭਾਗ ਧੂਰੀ ਵੱਲੋਂ ਇਹ ਬੱਚੀ ਸ਼ਨਾਖਤ ਅਤੇ ਵਾਰਸਾਂ ਦੀ ਭਾਲ ਲਈ ਜ਼ਿਲ੍ਹਾ ਬਾਲ ਸੁਰੱਖਿਆ ਯੂਨਿਟ,ਸੰਗਰੂਰ ਨੂੰ ਸੌਂਪੀ ਗਈ ਹੈ।
ਬੱਚੀ ਵੱਲੋਂ ਆਪਣਾ ਨਾਮ ਕਾਜਲ ਉਰਫ ਪਾਰੋ, ਉਮਰ ਕਰੀਬ 10 ਸਾਲ ਅਤੇ ਜਲੰਧਰ ਦੀ ਰਹਿਣ ਵਾਲੀ ਦੱਸਿਆ ਜਾ ਰਿਹਾ ਹੈ। ਲੜਕੀ ਦਾ ਰੰਗ ਸਾਂਵਲਾ ਤੇ ਵਾਲ ਕਾਲੇ ਹਨ ਅਤੇ ਉਸ ਨੇ ਗੁਲਾਬੀ ਸੂਟ ਤੇ ਲਾਲ ਦੁਪੱਟਾ ਲਿਆ ਹੋਇਆ ਹੈ।
ਉਨ੍ਹਾਂ ਆਮ ਲੋਕਾਂ ਨੂੰ ਅਪੀਲ ਕੀਤੀ ਕਿ ਜੇਕਰ ਕਿਸੇ ਨੂੰ ਇਸ ਬੱਚੀ ਬਾਰੇ ਕੋਈ ਵੀ ਜਾਣਕਾਰੀ ਹੋਵੇ ਤਾਂ ਉਹ ਦਫਤਰ ਜ਼ਿਲਾ ਬਾਲ ਸੁਰੱਖਿਆ ਯੂਨਿਟ ਸੰਗਰੂਰ ਨਾਲ ਮੋਬਾਈਲ ਨੰਬਰ 92566-16132 ’ਤੇ ਪ੍ਰਤਿਨਿਧ ਰੁਪਿੰਦਰ ਸਿੰਘ ਨਾਲ ਸੰਪਰਕ ਕਰ ਸਕਦਾ ਹੈ।