ਪਾਣੀ ਦੇ ਭਰੇ ਟੋਏ ਵਿੱਚ ਡੁੱਬ ਕੇ ਬੱਚੀ ਦੀ ਮੌਤ

ਪੰਚਕੂਲਾ (ਪੀ.ਪੀ. ਵਰਮਾ):

ਪਿੰਡ ਪਪਲੋਹਾ ਵਿੱਚ ਇੱਟਾਂ ਦੇ ਭੱਠੇ ’ਤੇ ਪਾਣੀ ਨਾਲ ਭਰੇ ਇਕ ਟੋਏ ਵਿੱਚ ਡੁੱਬ ਕੇ ਇਕ ਤਿੰਨ ਸਾਲਾ ਬੱਚੀ ਦੀ ਮੌਤ ਹੋ ਗਈ। ਲੜਕੀ ਦੇ ਚਾਚਾ ਭਰਤ ਨੇ ਦੱਸਿਆ ਕਿ ਭਰਾ ਬੌਬੀ ਅਤੇ ਉਸ ਦਾ ਪਰਿਵਾਰ ਪਾਪਲੋਹਾ ਸਥਿਤ ਇੱਟਾਂ ਦੇ ਭੱਠੇ ’ਤੇ ਕੰਮ ਕਰਦੇ ਹਨ। ਉਸ ਨੇ ਦੱਸਿਆ ਕਿ ਬੌਬੀ ਦੀ ਤਿੰਨ ਸਾਲਾ ਧੀ ਮਲਿਸ਼ਕਾ ਸਵੇਰੇ ਕਰੀਬ 11.30 ਵਜੇ ਬੱਚਿਆਂ ਨਾਲ ਖੇਡ ਰਹੀ ਸੀ। ਕੁਝ ਸਮੇਂ ਬਾਅਦ ਬੱਚਿਆਂ ਨੇ ਘਰ ਆ ਕੇ ਦੱਸਿਆ ਕਿ ਮਲਿਸ਼ਕਾ ਖੇਡਦੇ ਹੋਏ ਕਰੀਬ ਸੱਤ ਫੁੱਟ ਡੂੰਘੇ ਪਾਣੀ ਨਾਲ ਭਰੇ ਟੋਏ ਵਿੱਚ ਡਿੱਗ ਗਈ ਹੈ। ਪਰਿਵਾਰਕ ਮੈਂਬਰ ਤੁਰੰਤ ਮੌਕੇ ’ਤੇ ਪਹੁੰਚੇ ਅਤੇ ਮਲਿਸ਼ਕਾ ਨੂੰ ਪਾਣੀ ਨਾਲ ਭਰੇ ਟੋਏ ’ਚੋਂ ਕੱਢ ਕੇ ਕਾਲਕਾ ਦੇ ਸਰਕਾਰੀ ਹਸਪਤਾਲ ਲੈ ਗਏ, ਜਿੱਥੇ ਡਾਕਟਰਾਂ ਨੇ ਬੱਚੀ ਨੂੰ ਮ੍ਰਿਤਕ ਐਲਾਨ ਦਿੱਤਾ।