ਬਦਰੀਨਾਥ ਧਾਮ ਦੇ ਕਿਵਾੜ 17 ਨਵੰਬਰ ਨੂੰ ਹੋਣਗੇ ਬੰਦ

ਗੋਪੇਸ਼ਵਰ: ਉੱਤਰਾਖੰਡ ਵਿੱਚ ਬਦਰੀਨਾਥ ਧਾਮ ਦੇ ਕਿਵਾੜ 17 ਨਵੰਬਰ ਨੂੰ ਰਾਤ 9:07 ਵਜੇ ਸਰਦੀਆਂ ਦੇ ਮੌਸਮ ਲਈ ਬੰਦ ਕਰ ਦਿੱਤੇ ਜਾਣਗੇ। ਬਦਰੀਨਾਥ-ਕੇਦਾਰਨਾਥ ਮੰਦਰ ਕਮੇਟੀ ਦੇ ਪ੍ਰਧਾਨ ਅਜੇਂਦਰ ਅਜੈ ਨੇ ਦੱਸਿਆ ਕਿ ਪਰੰਪਰਾ ਅਨੁਸਾਰ, ਹਿੰਦੂ ਕੈਲੰਡਰ ਅਤੇ ਖਗੋਲੀ ਪਿੰਡਾਂ ਦੀ ਸਥਿਤੀ ਦੇ ਮੁਲਾਂਕਣ ਮਗਰੋਂ ਅੱਜ ਦਸਹਿਰੇ ਮੌਕੇ ਕਿਵਾੜ ਬੰਦ ਕਰਨ ਦੀ ਮਿਤੀ ਅਤੇ ਸਮੇਂ ਦਾ ਮਹੂਰਤ ਤੈਅ ਕੀਤਾ ਗਿਆ। ਇਸ ਸਾਲ ਬਦਰੀਨਾਥ ਵਿੱਚ 11 ਲੱਖ ਤੋਂ ਵੱਧ ਤੀਰਥਯਾਤਰੀਆਂ ਨੇ ਦਰਸ਼ਨ ਕੀਤੇ, ਜਦਕਿ ਕੇਦਾਰਨਾਥ ਵਿੱਚ 13.5 ਲੱਖ ਤੋਂ ਵੱਧ ਸ਼ਰਧਾਲੂ ਪੁੱਜੇ। ਪਹਿਲਾਂ ਕੀਤੇ ਗਏ ਐਲਾਨ ਅਨੁਸਾਰ ਕੇਦਾਰਨਾਥ ਅਤੇ ਯਮੁਨੋਤਰੀ ਦੇ ਕਿਵਾੜ ਤਿੰੰਨ ਨਵੰਬਰ ਨੂੰ ਅਤੇ ਗੰਗੋਤਰੀ ਦੇ ਕਿਵਾੜ ਦੋ ਨਵੰਬਰ ਨੂੰ ਬੰਦ ਹੋਣਗੇ। ਇਸੇ ਤਰ੍ਹਾਂ ਰੁਦਰਨਾਥ ਦੇ ਕਿਵਾੜ 17 ਅਕਤੂਬਰ ਨੂੰ, ਤੁੰਗਨਾਥ ਦੇ ਚਾਰ ਨਵੰਬਰ ਅਤੇ ਮਦਮਹੇਸ਼ਰ ਦੇ ਕਿਵਾੜ 20 ਨਵੰਬਰ ਨੂੰ ਬੰਦ ਹੋਣਗੇ। -ਪੀਟੀਆਈ