ਮੱਲੂਨੰਗਲ ’ਚ ਹਸਪਤਾਲ ਦਾ ਨੀਂਹ ਪੱਥਰ ਰੱਖਿਆ

ਚੇਤਨਪੁਰਾ: ਪਿੰਡ ਮੱਲੂਨੰਗਲ ਵਿੱਚ ਰੋਟਰੀ ਕਲੱਬ ਅੰਮ੍ਰਿਤਸਰ ਸਿਵਲ ਲਾਈਨਜ਼ ਦੇ ਪ੍ਰਧਾਨ ਡਾ. ਕਰਮਜੀਤ ਸਿੰਘ ਗਿੱਲ ਵੱਲੋਂ ਕਲੱਬ ਨੂੰ ਦਾਨ ਕੀਤੀ ਗਈ ਜ਼ਮੀਨ ਵਿੱਚ ਅੱਜ ਸਰਕਾਰੀ ਤੌਰ ’ਤੇ ਚੰਨ ਗਿੱਲ ਰੋਟਰੀ ਹਸਪਤਾਲ ਦਾ ਨੀਂਹ ਪੱਥਰ ਰੱਖਿਆ ਗਿਆ। ਇਸ ਮੌਕੇ ਮਰਹੂਮ ਚੰਨ ਗਿੱਲ ਦੇ ਪਰਿਵਾਰਕ ਮੈਂਬਰਾਂ, ਜਿਨ੍ਹਾਂ ਵਿੱਚ ਉਨ੍ਹਾਂ ਦੇ ਪਿਤਾ ਅਮਰ ਸਿੰਘ ਅਤੇ ਭੈਣ ਖੁਸ਼ਵੰਤ ਕੌਰ ਨੇ ਪਹਿਲੀ ਇੱਟ ਰੱਖਣ ਦਾ ਮਾਣ ਪ੍ਰਾਪਤ ਕੀਤਾ। ਇਸ ਸਮਾਗਮ ਵਿੱਚ ਰੋਟਰੀ ਕਲੱਬ ਆਫ ਅੰਮ੍ਰਿਤਸਰ ਸਿਵਲ ਲਾਈਨਜ਼ ਦੀ ਸਕੱਤਰ ਨਿਧੀ ਸਿੰਧਵਾਨੀ ਨੇ ਦੱਸਿਆ ਕਿ ਹਸਪਤਾਲ ਦਾ ਨਿਰਮਾਣ ਅੰਕੁਰ ਸੇਨ ਅਤੇ ਸੰਜੇ ਮਹੇਸ਼ਵਰੀ ਦੀ ਨਿਗਰਾਨੀ ਹੇਠ ਰਮੇਸ਼ ਯਾਦਵ ਦੇ ਭਰਪੂਰ ਸਹਿਯੋਗ ਨਾਲ ਕੀਤਾ ਜਾ ਰਿਹਾ ਹੈ। -ਪੱਤਰ ਪ੍ਰੇਰਕ