ਫੂਡ ਸੇਫਟੀ ਟੀਮ ਨੇ ਦੁੱਧ ਤੇ ਪਨੀਰ ਦੇ ਸੈਂਪਲ ਲਏ

ਪੱਤਰ ਪ੍ਰੇਰਕ
ਜੀਂਦ, 13 ਮਾਰਚ
ਮੁੱਖ ਮੰਤਰੀ ਉਡਣ ਦਸਤਾ ਅਤੇ ਫੂਡ ਸੇਫਟੀ ਟੀਮਾਂ ਨੇ ਸਾਂਝੇ ਤੌਰ ’ਤੇ ਕੈਮੀਕਲਜ਼ ਮਿਲਾ ਕੇ ਦੁੱਧ ਬਣਾਉਣ ਅਤੇ ਹੋਰ ਉਤਪਾਦ ਬਣਾਏ ਜਾਣ ਦੀਆਂ ਮਿਲ ਰਹੀਆਂ ਸ਼ਿਕਾਇਤਾ ਦੇ ਆਧਾਰ ’ਤੇ ਸ਼ਹਿਰ ਦੇ ਪਟਿਆਲਾ ਰੋਡ ਉੱਤੇ ਆਟੋ ਮਾਰਕਿਟ ਦੇ ਨਜ਼ਦੀਕ ਅਤੇ ਛੋਟੂ ਰਾਮ ਪਾਰਕ ਦੇ ਪਿੱਛੇ ਬਣੀ ਡੇਅਰੀਆਂ ਵਿੱਚ ਛਾਪੇ ਮਾਰੇ। ਜਾਂਚ ਦੌਰਾਨ ਟੀਮਾਂ ਨੇ 1600 ਕਿਲੋ ਦੁੱਧ ਤੇ 400 ਕਿਲੋ ਪਨੀਰ ਦੇ ਨਾਲ-ਨਾਲ 480 ਕਿਲੋ ਤੇਲ ਮੌਕੇ ’ਤੇ ਬਰਾਮਦ ਕੀਤਾ। ਪੂਰੇ ਮਾਮਲੇ ਨੂੰ ਲੈ ਕੇ ਫੂਡ ਸੇਫ਼ਟੀ ਇੰਸਪੈਕਟਰ ਜੋਗਿੰਦਰ ਸਿੰਘ ਨੇ ਦੱਸਿਆ ਕਿ ਇਨ੍ਹਾਂ ਫੈਕਟਰੀਆਂ ਵਿੱਚ ਸਫਾਈ ਦਾ ਪ੍ਰਬੰਧ ਨਹੀਂ ਸੀ। ਇਸ ਲਈ ਫੈਕਟਰੀ ਮਾਲਕ ਨੂੰ ਨੋਟਿਸ ਦਿੱਤੇ ਗਏ ਹਨ ਅਤੇ ਬਰਾਮਦ ਕੀਤੇ ਗਏ ਦੁੱਧ ਤੇ ਪਨੀਰ ਦੇ ਨਮੂਨੇ ਲੇ ਕੇ ਜਾਂਚ ਲਈ ਭੇਜ ਦਿੱਤੇ ਗਏ। ਇਨ੍ਹਾਂ ਖ਼ਿਲਾਫ਼ ਅਗਲੀ ਕਾਰਵਾਈ ਰਿਪੋਰਟ ਆਉਣ ਮਗਰੋਂ ਅਮਲ ਵਿੱਚ ਲਿਆਂਦੀ ਜਾਵੇਗੀ।