ਦੀਵਾਲੀ ਮੌਕੇ ਰਿਲੀਜ਼ ਹੋਵੇਗੀ ਫ਼ਿਲਮ ‘ਖਿਚੜੀ 2’

ਮੁੰਬਈ: ਕਾਮੇਡੀ ਫ਼ਿਲਮ ‘ਖਿਚੜੀ 2: ਮਿਸ਼ਨ ਪਾਨਥੂਕਿਸਤਾਨ’ ਇਸ ਸਾਲ ਦੀਵਾਲੀ ਮੌਕੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਕੀਤੀ ਜਾਵੇਗੀ। ਇਹ ਜਾਣਕਾਰੀ ਫਿਲਮ ਦੇ ਨਿਰਮਾਤਾਵਾਂ ਨੇ ਅੱਜ ਇਥੇ ਦਿੱਤੀ। ਆਤਿਸ਼ ਕਪਾਡੀਆ ਵੱਲੋਂ ਲਿਖੀ ਅਤੇ ਨਿਰਦੇਸ਼ਿਤ ਕੀਤੀ ਗਈ ਇਹ ਫਿਲਮ ਇਸ ਵਾਰ ਮੁੜ ਦਰਸ਼ਕਾਂ ਨੂੰ ਪਾਰੇਖ ਪਰਿਵਾਰ ਦੀਆਂ ਮਸਤੀਆਂ ਨਾਲ ਹਾਸਿਆਂ ਦੇ ਰੋਲਰ ਕੋਸਟਰ ਦੀ ਸੈਰ ਕਰਵਾਏਗੀ। ਨਿਰਮਾਤਾਵਾਂ ਵੱਲੋਂ ਸਾਂਝੀ ਕੀਤੀ ਗਈ ਇਸ ਪੋਸਟ ’ਤੇ ਪ੍ਰਸ਼ੰਸਕਾਂ ਵੱਲੋਂ ਵੀ ਪ੍ਰਤੀਕਿਰਿਆਵਾਂ ਦਿੰਦਿਆਂ ਆਪਣੀ ਉਤਸੁਕਤਾ ਜ਼ਾਹਿਰ ਕੀਤੀ ਗਈ ਹੈ। ਇੱਕ ਪ੍ਰਸ਼ੰਸਕ ਨੇ ਕਿਹਾ, ‘ਬਹੁਤ ਹੀ ਸ਼ਾਨਦਾਰ...ਬੇਸਬਰੀ ਨਾਲ ਉਡੀਕ ਰਹੇਗੀ।’ ਇੱਕ ਹੋਰ ਨੇ ਕਿਹਾ, ‘ਵਾਹ...ਪਾਰੇਖ ਪਰਿਵਾਰ ਵਾਪਸ ਆ ਰਿਹਾ ਹੈ।’ ਇਸ ਫਿਲਮ ਵਿੱਚ ਸੁਪ੍ਰਿਆ ਪਾਠਕ ਕਪੂਰ, ਰਾਜੀਵ ਮਹਿਤਾ, ਆਨੰਗ ਦੇਸਾਈ, ਵੰਦਨਾ ਪਾਠਕ, ਕ੍ਰਿਤੀ ਕੁਲਕਰਨੀ ਤੇ ਅਦਾਕਾਰ-ਨਿਰਮਾਤਾ ਜਮਨਾਦਾਸ ਮਜੀਠੀਆ ਅਹਿਮ ਭੂਮਿਕਾਵਾਂ ਵਿੱਚ ਦਿਖਾਈ ਦੇਣਗੇ। ਇਸ ਮੌਕੇ ਫਿਲਮ ਦੇ ਨਿਰਮਾਤਾਵਾਂ ਵੱਲੋਂ ਫਿਲਮ ਦਾ ਟੀਜ਼ਰ ਵੀ ਰਿਲੀਜ਼ ਕੀਤਾ ਗਿਆ ਹੈ, ਜਿਸ ਵਿੱਚ ਨਿਰਦੇਸ਼ਕ ਤੇ ਕੋਰੀਓਗ੍ਰਾਫਰ ਫਰਾਹ ਖ਼ਾਨ ਇੱਕ ਵਿਸ਼ੇਸ਼ ਕਿਰਦਾਰ ਵਿੱਚ ਦਿਖਾਈ ਦੇ ਰਹੀ ਹੈ। ਨਿਰਮਾਤਾਵਾਂ ਦਾ ਕਹਿਣਾ ਹੈ ਕਿ ਇਹ ਫਿਲਮ ਲੋਕਾਂ ਨੂੰ ਪਰਿਵਾਰਾਂ ਵਿੱਚਲੀ ਏਕਤਾ, ਮਨੁੱਖਤਾ, ਇੱਕ ਦੂਜੇ ਨੂੰ ਮੁਆਫ਼ ਕਰਨਾ ਤੇ ਆਪਸੀ ਪਿਆਰ ਬਣਾਈ ਰੱਖਣ ਦੀ ਤਾਕਤ ਬਾਰੇ ਦੱਸਦੀ ਹੈ। ਫਿਲਮ ਦਾ ਪਹਿਲਾ ਭਾਗ 13 ਸਾਲ ਪਹਿਲਾਂ ਰਿਲੀਜ਼ ਹੋਇਆ ਸੀ। -ਏਐੱਨਆਈ