ਮਹਿਲਾ ਸ਼ਕਤੀਕਰਨ ’ਤੇ ਜ਼ੋਰ ਦਿੰਦੀ ਹੈ ਫਿਲਮ ‘ਜਵਾਨ’: ਸ਼ਾਹਰੁਖ਼ ਖਾਨ

ਮੁੰਬਈ: ਬੌਲੀਵੁੱਡ ਸੁਪਰਸਟਾਰ ਸ਼ਾਹਰੁਖ ਖਾਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦੀ ਬਹੁਤ ਉਡੀਕੀ ਜਾ ਰਹੀ ਫਿਲਮ ‘ਜਵਾਨ’ ਮਹਿਲਾ ਸਸ਼ਕਤੀਕਰਨ ’ਤੇ ਜ਼ੋਰ ਦਿੰਦੀ ਹੈ। ਉਨ੍ਹਾਂ #ਆਸਕ ਸ਼ਾਹਰੁਖ ਖਾਨ ਸੈਸ਼ਨ ਵਿੱਚ ਇਸ ਫਿਲਮ ਸਬੰਧੀ ਆਪਣੇ ਪ੍ਰਸ਼ੰਸਕਾਂ ਨੂੰ ਟਵਿੱਟਰ ’ਤੇ ਸਵਾਲਾਂ ਦੇ ਜਵਾਬ ਦਿੱਤੇ। ਉਸ ਦੇ ਪ੍ਰਸੰਸਕਾਂ ਨੇ ਜਦੋਂ ਸ਼ਾਹਰੁਖ ਤੋਂ ਸਵਾਲ ਪੁੱਛੇ ਤਾਂ ਸ਼ਾਹਰੁਖ ਨੇ ਮਜ਼ੇਦਾਰ ਢੰਗ ਨਾਲ ਜਵਾਬ ਦਿੱਤੇ। ਜਦੋਂ ਸੁਪਰਸਟਾਰ ਤੋਂ ਪੁੱਛਿਆ ਗਿਆ ਕਿ ਇਹ ਫਿਲਮ ਕਿਸ ਬਾਰੇ ਹੈ ਤਾਂ ਸ਼ਾਹਰੁਖ ਨੇ ਕਿਹਾ,‘ਇਹ ਫਿਲਮ ਔਰਤਾਂ ਦੇ ਸ਼ਕਤੀਕਰਨ ਬਾਰੇ ਗੱਲ ਕਰਦੀ ਹੈ।’ ਇੱਕ ਨੇ ਕਿਹਾ ਕਿ ਪ੍ਰਸ਼ੰਸਕਾਂ ਨੇ ਇੱਕ ਮੀਲ ਪੱਥਰ ਪੂਰਾ ਕਰਨ ਤੋਂ ਬਾਅਦ ‘ਚੇਨੱਈ ਐਕਸਪ੍ਰੈੱਸ’ ਚਲਾਈ, ਜਿਸ ’ਤੇ ਸ਼ਾਹਰੁਖ ਨੇ ਕਿਹਾ ਕਿ ‘ਜਵਾਨ’ ਇਕ ਨਵੀਂ ‘ਚੇਨੱਈ ਐਕਸਪ੍ਰੈਸ’ ਹੈ। -ਆਈਏਐੱਨਐੱਸ