ਫ਼ਿਲਮ ‘ਪਠਾਨ’ ਰੂਸ ਤੇ ਸੀਆਈਐੱਸ ਦੇਸ਼ਾਂ ’ਚ ਵੀ ਰਿਲੀਜ਼ ਹੋਵੇਗੀ

ਮੁੰਬਈ: ਅਦਾਕਾਰ ਸ਼ਾਹਰੁਖ ਖਾਨ ਦੀ ਬਲਾਕਬਸਟਰ ਫਿਲਮ ‘ਪਠਾਨ’ ਹੁਣ ਰੂਸ ਅਤੇ ਕਾਮਨਵੈਲਥ ਆਫ ਇੰਡੀਪੈਂਡੈਂਟ ਸਟੇਟਸ (ਸੀਆਈਐੱਸ) ਵਿੱਚ ਤਿੰਨ ਹਜ਼ਾਰ ਤੋਂ ਵੱਧ ਸਕਰੀਨਾਂ ‘ਤੇ ਦਿਖਾਈ ਜਾਵੇਗੀ। ਸਿਧਾਰਥ ਆਨੰਦ ਦੇ ਨਿਰਦੇਸ਼ਨ ਹੇਠ ਬਣੀ ਇਹ ਫਿਲਮ ਭਾਰਤੀ ਸਿਨੇਮਾਘਰਾਂ ਵਿੱਚ 25 ਜਨਵਰੀ ਨੂੰ ਰਿਲੀਜ਼ ਹੋਈ ਸੀ। ਇਸ ਵਿੱਚ ਜੌਹਨ ਅਬਰਾਹਮ ਅਤੇ ਦੀਪਿਕਾ ਪਾਦੂਕੋਨ ਨੇ ਵੀ ਅਹਿਮ ਕਿਰਦਾਰ ਨਿਭਾਏ ਸਨ। ਫਿਲਮ ਦੁਨੀਆ ਭਰ ‘ਚ 1,000 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਚੁੱਕੀ ਹੈ। ਇੱਕ ਪ੍ਰੈਸ ਰਿਲੀਜ਼ ਵਿੱਚ ਕਿਹਾ ਗਿਆ ਹੈ, “ਯਸ਼ਰਾਜ ਫਿਲਮਜ਼ ਦੀ ਇਤਿਹਾਸਕ ਫਿਲਮ ‘ਪਠਾਨ’ ਨੇ ਇੱਕ ਹੋਰ ਰਿਕਾਰਡ ਕਾਇਮ ਕੀਤਾ ਹੈ। ਇਹ ਡਬਿੰਗ ਤੋਂ ਬਾਅਦ ਰੂਸ ਅਤੇ ਸੀਆਈਐਸ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ 13 ਜੁਲਾਈ ਨੂੰ ਤਿੰਨ ਹਜ਼ਾਰ ਤੋਂ ਵੱਧ ਸਕਰੀਨਾਂ ‘ਤੇ ਰਿਲੀਜ਼ ਹੋਵੇਗੀ।” -ਪੀਟੀਆਈ