ਗਰੀਬਾਂ ਤੇ ਦੱਬੇ-ਕੁਚਲੇ ਲੋਕਾਂ ਦੀ ਕਿਸੇ ਨਾ ਲਈ ਸਾਰ: ਛੜਬੜ

ਖੇਤਰੀ ਪ੍ਰਤੀਨਿਧ
ਪਟਿਆਲਾ, 30 ਮਈ
ਪਟਿਆਲਾ ਤੋਂ ਬਸਪਾ ਦੇ ਉਮੀਦਵਾਰ ਜਗਜੀਤ ਸਿੰਘ ਛੜਬੜ ਨੇ ਵੀ ਅੱਜ ਆਪਣਾ ਚੋਣ ਪ੍ਰਚਾਰ ਇਥੇ ਰੋਡ ਸ਼ੋਅ ਕਰ ਕੇ ਸਮਾਪਤ ਕੀਤਾ। ਜਿਸ ਦੌਰਾਨ ਉਨ੍ਹਾਂ ਦਾ ਹਮਾਇਤੀਆਂ ਨੇ ਫੁੱਲਾਂ ਦੀ ਵਰਖਾ ਨਾਲ ਸਵਾਗਤ ਕੀਤਾ। ਸ੍ਰੀ ਛੜਬੜ ਨੇ ਕਿਹਾ ਕਿ ਕਿਸੇ ਵੀ ਰਾਜਸੀ ਧਿਰ ਨੇ ਗਰੀਬਾਂ ਅਤੇ ਦਬੱੇ ਕੁਚਲੇ ਲੋਕਾਂ ਦੀ ਬਾਂਹ ਨਹੀਂ ਫੜੀ। ਉਨ੍ਹਾਂ ਪਟਿਆਲਾ ਹਲਕੇ ਦੇ ਲੋਕਾਂ ਨੂੰ ਸੱਦਾ ਦਿਤਾ ਕਿ ਰਾਜੇ ਮਹਾਰਾਜਿਆਂ ਤੇ ਹੋਰ ਧਨਾਢਾਂ ਨੂੰ ਕਰਾਰੀ ਹਾਰ ਦੇਣ ਲਈ ਜੇਕਰ ਉਸ ਦੇ ਹਮਾਇਤੀ ਦੋ ਦਿਨ ਹੋਰ ਲੋਕ ਉਸ ਦੀ ਚੋਣ ਮੁਹਿੰਮ ਨੂੰ ਇਸੇ ਤਰ੍ਹਾਂ ਹੀ ਨਿਖਾਰੀ ਰੱਖਣ, ਤਾਂ ਇਨ੍ਹਾਂ ਸ਼ਾਹੂਕਾਰਾਂ ਨੂੰ ਸਬਕ ਮਿਲ ਜਾਵੇਗਾ ਕਿ ਗਰੀਬ ਤਬਕੇ ਦੇ ਲੋਕਾਂ ਨੂੰ ਲਤਾੜਨ ਦਾ ਕੀ ਨਤੀਜਾ ਹੁੰਦਾ ਹੈ। ਇਸ ਮੌਕੇ ਜੋਗਾ ਸਿੰਘ ਪਨੋਦੀਆਂ, ਆਰ.ਐਸ ਬੰਗੜ, ਸੁਰਜੀਤ ਗੋਰੀਆ, ਸੁਖ ਲਾਲ, ਮੱਘਰ ਕਨਸੂਹਾ, ਸੁਨੀਤਾ ਰਾਣੀ, ਲਾਲ ਚੰਦ, ਬਲਜੀਤ ਹੈਪੀ,ਹਰਵਿੰਦਰ ਨਰੜੂ, ਮੇਜਰ ਸਿੰਘ ਐਕਸੀਅਨ, ਰਾਮ ਕਨਸੂਹਾ ਤੇ ਹਰਬੰਸ ਰੋਹਟੀ ਆਦਿ ਵੀ ਹਾਜ਼ਰ ਸਨ।