ਸੜਕ ਹਾਦਸੇ ਵਿਚ ਨੌਜਵਾਨ ਦੀ ਮੌਤ

ਪੱਤਰ ਪ੍ਰੇਰਕ
ਬਾਘਾ ਪੁਰਾਣਾ, 13 ਜੂਨ
ਇਥੇ ਬੀਤੀ ਰਾਤ ਮੋਗਾ ਰੋਡ ’ਤੇ ਇਕ ਟਰੱਕ ਟਰਾਂਸਫਰਮਰ ਵਾਲੇ ਖੰਭਿਆਂ ਨਾਲ ਟਕਰਾ ਗਿਆ। ਇਸ ਹਾਦਸੇ ਵਿੱਚ ਇੱਕ ਮੋਟਰਸਾਈਕਲ ਸਵਾਰ ਨੌਜਵਾਨ ਦੀ ਮੌਤ ਹੋ ਗਈ ਤੇ ਇੱਕ ਜ਼ਖ਼ਮੀ ਹੋ ਗਿਆ। ਮ੍ਰਿਤਕ ਦੀ ਪਛਾਣ ਸੰਦੀਪ ਕੁਮਾਰ ਵਜੋਂ ਹੋਈ ਹੈ। ਇਹ ਹਾਦਸਾ ਟਰੱਕ ਦਾ ਟਾਈਰ ਫਟਣ ਕਾਰਨ ਵਾਪਰਿਆ ਦੱਸਿਆ ਜਾ ਰਿਹਾ ਹੈ। ਟਰੱਕ ਡਰਾਈਵਰ ਸਤਨਾਮ ਸਿੰਘ ਨੇ ਦੱਸਿਆ ਕਿ ਉਹ ਰਾਮਾ ਮੰਡੀ ਤੋਂ ਲੁੱਕ ਦਾ ਭਰਿਆ ਟਰੱਕ ਸਿੰਘਾਵਾਲਾ ਲੈ ਕੇ ਜਾ ਰਿਹਾ ਸੀ ਅਤੇ ਜਿਉਂ ਹੀ ਮੋਗਾ ਰੋਡ ’ਤੇ ਪੁੱਜਿਆ ਤਾਂ ਮੋਗਾ ਵਲੋਂ ਤੂੜੀ ਨਾਲ ਭਰੀ ਟਰਾਲੀ ਆ ਰਹੀ ਸੀ ਜਿਸ ਦੀਆਂ ਤੇਜ਼ ਲਾਈਟਾਂ ਸਿੱਧੀਆਂ ਉਸ ਦੀਆਂ ਅੱਖਾਂ ਵਿੱਚ ਪੈ ਰਹੀਆਂ ਸਨ। ਇਸ ਹਾਦਸੇ ਕਾਰਨ ਅੱਜ ਵੀ ਸਾਰਾ ਦਿਨ ਬਿਜਲੀ ਗੁੱਲ ਰਹੀ।